SURXONDARYO FVB

Surxondaryo viloyati Favqulodda vaziyatlar boshqarmasi boshlig‘ining birinchi o‘rinbosari tomonidan Angor tumanidagi buyum bozori hamda bozor hududi atrofida joylashgan umumiy ovqatlanish shoxobchalarining yong‘in xavfsizligi holati o‘rganildi.
O‘rganish jarayonida obyektlarda yong‘in xavfsizligi talablariga rioya etilishi, elektr jihozlari va gaz moslamalaridan xavfsiz foydalanish holati ko‘zdan kechirildi.
Tadbirkorlik subyektlari rahbarlari, oshxona egalari va mas’ul shaxslarga yong‘in xavfsizligi qoidalariga qat’iy amal qilish, yong‘inlarning oldini olish hamda favqulodda vaziyatlar sodir bo‘lgan taqdirda to‘g‘ri harakatlanish yuzasidan tegishli ko‘rsatma va tavsiyalar berildi.
Shuningdek, o‘rganish davomida aniqlangan kamchiliklarni belgilangan tartibda bartaraf etish yuzasidan mas’ullarga tegishli topshiriqlar berildi.

Termiz shahridagi “Yashil dunyo” bozorida Surxondaryo viloyati Favqulodda vaziyatlar boshqarmasi boshlig‘i polkovnik Sh. Shukurov boshchiligida mas’ul xodimlar tomonidan profilaktik tadbirlar olib borildi.
O‘rganish davomida bozordagi yong‘inga qarshi suv ta’minoti vositalari va yong‘in gidrantlarining sozligi tekshirildi. Shuningdek, yong‘in-qutqaruv avtomobili bozor hududiga kiritilib, uning ichki yo‘laklarda harakatlanish imkoniyati amaliy sinovdan o‘tkazildi.
Maxsus texnikalarning erkin harakatlanishiga xalal berayotgan sun’iy to‘siqlarni bartaraf etish bo‘yicha tegishli choralar ko‘rildi.