Хитойга кираётган мигрантлар соқолини қиришга мажбур қилинмоқдаҚозоғистон фуқаролари Хитой билан чегарада соқолли эркакларни ортга қайтаришаётгани ёки киришдан олдин соқолини қиришни сўрашаётганини маълум қилган. “Улйсмедиа. кз” хабарига кўра, фуқаролар бундай текширувларга Хоргос ҳудудида дуч келган.
Саёҳатчи Шингис Кудайбергеновнинг таъкидлашича, бундай текширувлар бир неча кундан бери амалга оширилмоқда. Унинг сўзларига кўра, соқолли эркакларни полиция ходимлари кутиб олиб, соқол оладиган устара тутқазмоқда ва жараённи видеога туширишаётган бўлиши мумкин.
Очиқ манбаларда мигрантларнинг Хитойга соқол билан киришини тақиқловчи янги қоида ҳақида ҳозирча расмий хабарлар берилмаган.
Strategic Focus: LIVE
