▫️قیردیم قانادینی، قولونو قیردیم،
نه سنی اوچماغا قویدوم، نه اؤزوم،
سنینله یاناشی اوچا بیلمهدیم.
گل سنه اؤیرهدیم باغیشلاماغی،
گل سنه اؤیرهدیم! باغیشلا منی،
سنه «گل» دئدیگیم یئره گلمهدیم،
قیردیم قانادینی، قولونو قیردیم!
قورخما، قانادلارین قیریق اولسا دا،
سن اوچا بیلرسن، اوچا بیلرسن.
اوچماغا قاناد یوخ، اورک گرکدیر،
منیم ده اورهییم ناشی اورکدیر،
ائلهجه دؤیونور، سئومهیی یوخدور.
یاغیش دا، بولود دا بیاعتباردیر.
من کی وفاسیزام، سن اۇچ یاخشیسی!
گؤیون سندن باشقا هئچ نهیی یوخدور.
قورخما، قانادلارین قیریق اولسا دا،
سنه اوچماق اوچون اورک ده بسدیر!
منیم محبّتیم بیر اوووج قومدور،
منی اونوتماغا کولک ده بسدیر.
یئرده گؤزلهیَنین اولمادی سنین،
تلَسدیر اؤزونو، گؤیه تلسدیر!
بیلیرسن، نه وارسا، گؤیده وار ائله.
یئره سپهلنن دنه آلدانما!
منیم قیش پارکیندان یولوم دوشمهدی،
بیر ده منی سئومه، منه آلدانما،
قیردیم قانادینی، قولونو قیردیم!
من سنی آللاهدان آرزولامیشدیم،
سنی آختاراندا گؤیه باخیردیم.
#رشاد_ناغی_مصطفی
#شعر_اوجاغی
@SheirOcagi
2August 31, 2026 282 2
