هل الإلحاد كلام مظبوط؟؟
هل مفيش إله؟؟
هل الاسلام كلامه مش مظبوط؟؟
طب وهو ممكن يكون مفيش يوم قيامة هو ممكن الحياة تنتهي وخلاص هنختفي؟؟
تعالي نحسبها بالعقل
بالمناسبة العقل زي الروح شئ مش مادي ومفيش دليل علي وجوده بردو
هتقولي العقل بنفكر بيه
طب ما الروح عايشين بيها
علميا الانسان ممكن يموت وجسمه بالكامل شغال عادي بدون أي سبب بيولوجي
ممكن بعد موت الانسان الدكاترة يخلوا جسمه يرجع بالكامل يشتغل أومال ليه مش بيرجع للحياة
منطقيا الانسان ليه روح وهي مالهاش علاقة بالجسم تماما
الانسان بيموت وجسمه مش ناقص حتة ممكن قلبه يكون شغال عادي وبقيت أجهزة وأعضاء جسمه
حتي في ناس بتكتب في وصيتها التبرع بأعضائها
طب كدا الروح دي شئ غير مرئي غير ملموس وبتطلع بإذن مين وبإرادة مين إيه إللي بيطلعها
مهو مفيش سبب معين الناس بتموت في حالات كتير جدا مختلفة تماما
طب الروح دي حد بيناديها أكيد حد بيأمر إنها تطلع حد متحكم فيها
تفتكر إنت مين؟؟
أكيد اللي خلقها طالما الخلق مش قادرين يوصلولها
{وَيَسْأَلُونَكَ عَنِ الرُّوحِ ۖ قُلِ الرُّوحُ مِنْ أَمْرِ رَبِّي وَمَا أُوتِيتُم مِّنَ الْعِلْمِ إِلَّا قَلِيلًا﴾
أشهد أن لا إله إلا الله وأشهد أن محمد رسول الله💙
