SIRDARYO VILOYATI KENGASHI

❇️ Avvalroq tuman va shahar Kengashlari faoliyatini samarali tashkil etish, Kengash raislari va kotibiyatlari uchun zarur shart-sharoitlarni yaratish yuzasidan viloyat hokimiga tegishli takliflar kiritilib, xat bilan murojaat qilingan edi.

O‘rganish davomida Kengash raisi xonasi hamda kotibiyat xodimlari uchun yaratilgan shart-sharoitlar ko‘zdan kechirildi.
Oqoltin tumanida viloyat hokimining topshirig‘i to‘liq bajarilgani, Kengash raisi va kotibiyat faoliyatini samarali tashkil etish uchun barcha zarur shart-sharoitlar yaratilgani qayd etildi.

Yaratilgan qulay ish sharoitlari Kengashning samarali faoliyat yuritishi, deputatlarning vakolatlarini to‘laqonli amalga oshirishi hamda aholi bilan ishlashni yanada kuchaytirishga xizmat qiladi.

Avvalgi uchrashuvda fuqarolar tomonidan “Do‘stlik” kanalini betonlashtirish, shuningdek, kanal qirg‘og‘i bo‘ylab aholi uchun qulay “Salomatlik yo‘lagi” tashkil etish masalalari ko‘tarilgan edi.
Bugungi uchrashuv davomida mazkur masalalar yuzasidan amalga oshirilayotgan ishlar holati o‘rganildi. Qayd etilganidek, O‘zbekiston Respublikasi Prezidentining 2025-yil 16-dekabrdagi “Sirdaryo viloyatini jadal rivojlantirish bo‘yicha kechiktirib bo‘lmaydigan qo‘shimcha chora-tadbirlari to‘g‘risida”gi PQ-377-son qarori asosida Xalq deputatlari Sirdaryo viloyati Kengashining 2026-yil 8-iyundagi tegishli qarori bilan 15 milliard so‘m mablag‘ ajratilgan. Mazkur ishlarni amalga oshirish uchun bosh pudratchi etib “Suv ombor qurilish” MChJ belgilangan.
Shuningdek, mahalladagi ichki yo‘llarning holati ham joyiga chiqqan holda batafsil o‘rganildi. Aholini qiynab kelayotgan yo‘l muammolarini bosqichma-bosqich hal etish, hudud infratuzilmasini yaxshilash bo‘yicha tegishli mas’ullarga taklif va topshiriqlar berildi.

Esdalik nishonlari Oliy Majlis Senati Raisi Tanzila Narbayeva tomonidan O‘zbekiston Respublikasi Prezidenti nomidan tantanali ravishda topshirildi.

Mazkur yuksak e’tirof mamlakatimiz mustaqilligini mustahkamlash, uning iqtisodiy qudrati va salohiyatini yuksaltirish, xalq farovonligini ta’minlash hamda yurtimizning xalqaro maydondagi nufuzini oshirishga munosib hissa qo‘shib kelayotgan, ko‘p yillik fidokorona mehnati va faol jamoatchilik faoliyati bilan el-yurt hurmatiga sazovor bo‘lgan yurtdoshlarimizga berildi.

Ushbu e’tirof P.Axmedjanovaning Sirdaryo viloyatini rivojlantirish, xalq deputatlari Kengashi faoliyatini samarali tashkil etish, aholi manfaatlarini himoya qilish hamda hudud taraqqiyotiga munosib hissa qo‘shish yo‘lidagi ko‘p yillik mehnatiga berilgan yuksak bahodir.

Xalq deputatlari Sirdaryo viloyati Kengashi jamoasi P.Axmedjanovani ushbu yuksak mukofot bilan samimiy muborakbod etadi!

Muloqot davomida bugungi kunda xotin-qizlarning ta’lim olishi, kasb-hunar egallashi, tadbirkorlik bilan shug‘ullanishi hamda ijtimoiy-siyosiy hayotdagi ishtirokini kengaytirish masalalariga alohida e’tibor qaratildi.
Shuningdek, ayollarning o‘z salohiyatini ro‘yobga chiqarishi uchun yaratilayotgan imkoniyatlardan samarali foydalanish, ularning tashabbuslarini qo‘llab-quvvatlash, oilada va jamiyatda ayolning munosib o‘rnini yanada mustahkamlash yuzasidan fikr almashildi.
Viloyat deputati Sh. Bozorboyeva muloqot davomida xotin-qizlarning murojaat va takliflarini tinglab, ularni qo‘llab-quvvatlash, mavjud muammolarni o‘rganish va qonuniy yechim topishga ko‘maklashish masalalariga alohida e’tibor qaratdi.
“Bugungi ayol — bilimli, tashabbuskor va faol bo‘lishi bilan birga, jamiyat taraqqiyotining muhim harakatlantiruvchi kuchidir. Ayollarga yaratilayotgan imkoniyatlardan samarali foydalanish, ularning huquq va manfaatlarini ta’minlash hamda tashabbuslarini qo‘llab-quvvatlash barchamizning muhim vazifamizdir”, — deya ta’kidladi Sh. Bozorboyeva.
Samimiy ruhda o‘tgan muloqot yakunida ishtirokchilar o‘zlarini qiziqtirgan savollariga javob oldilar hamda xotin-qizlarning faolligini oshirish, ularning tashabbuslarini qo‘llab-quvvatlash borasida o‘z takliflarini bildirdilar.
Bunday ochiq muloqotlar ayollarning jamiyatdagi faolligini yanada kuchaytirish, ularning huquq va manfaatlarini himoya qilish hamda yangi marralar sari ruhlantirishga xizmat qiladi.

O‘rganish davomida viloyat deputati fuqaroning murojaatini bevosita tinglab, mavjud muammoning mazmun-mohiyatini atroflicha o‘rgandi. Muammoni qonuniy tartibda hal etish hamda mas’ul tashkilotlar bilan hamkorlikda amaliy choralar ko‘rish yuzasidan tegishli vazifalar belgilandi.

Deputatlik nazorati — bu, avvalo, aholi bilan bevosita muloqot qilish, ularning muammolarini joyida o‘rganish va qonuniy yechim topilishiga ko‘maklashishdir.