የኮርፖሬሽኑ የሥራ አመራር ቦርድ የ2018 በጀት ዓመት አፈጻጸምና የ2019 ዓ.ም የሥራ ዕቅድ ገመገመ
ነሐሴ 16/2018 ዓ.ም, ሲ/ኢ/ፓ/ል/ኮ, ሀዋሳ
የሲዲማ ኢንዱስትሪ ፓርኮች ልማት ኮርፖሬሽን ሥራ አመራር ቦርድ የኮርፖሬሽኑን የ2018 በጀት ዓመት አፈጻጸምና የ2019 ዓ.ም የሥራ ዕቅድ ገምግሞ አጽድቋል።
የግምገማ መድረኩን የመሩት የሥራ አመራር ቦርድ ሰብሳቢው አቶ መምሩ ሞኬ በ2018 በጀት ዓመት በኮርፖሬሽኑ አጠቃላይ ሥራ የተመዘገበው ውጤት አበረታች መሆኑን አድንቀው፤ ለዚህም ኮርፖሬሽኑ ከባለድርሻ አካላት ጋር በቅንጅት መስራቱ ጉልህ ድርሻ እንደነበረው ተናግረዋል።
በመድረኩ የኮርፖሬሽኑ ዋና ስራ አስፈጻሚ አቶ ኃይሉ የተራ የ2018 በጀት ዓመት አፈጻጸምና የ2019 ዓ.ም የሥራ ዕቅድ አቅርበው ሰፊ ውይይትና ጥልቅ ገምገማ የተደረገ ሲሆን፤ በያንዳንዱ ዘርፍ አመርቂ ውጤት መመዝገቡንም በሪፖርታቸው አብራርተዋል።
በየጊዜው በይርጋለም የተቀናጀ የግብርና ኢንዱስትሪ ፓርክ ወደ ስራ የሚገቡ ጥሬ የግብርና ግብዓት የሚያቀነባብሩ ፋብሪካዎች ቁጥር እየጨመረ መምጣቱ፤ ወደ ፓርኩ ለማልማት የሚገቡ አዳዲስ ባለሀብቶች እየተበራከቱ መምጣታቸው፤ እንዲሁም የተጀመሩ ፕሮጀክቶችን በየምዕራፉ ለማጠናቀቅ የተደረገው ርብርብ የሚደነቅ መሆኑንም የቦርድ አባላቱ ጠቁመዋል።
በቀጣይ በሚሰሩ አዳዲስና ቀሪ ስራዎች ላይ በቦርድ አባላቱ አቅጣጫ የተቀመጠ ሲሆን፤ በቀረበው የአፈጻጸም ሪፖርትና ዕቅድ ላይ ሰፊ ውይይት በማድረግ አጽድቀዋል።
For more information:- Visit us on
Website: www.sidaamaipdc.com
YouTube: youtube.com/@sidamaipdc
Tiktok:
https://www.tiktok.com/@sidama.ipdc
