لو أنت مزنوق في المذاكرة
ف الزنقة دي نوعين.. نوع بسببك ونوع خارج عن ارادتك
اللي بسببك هو تقصيرك واعتمادك على زنقة اللحظة الأخيرة بحجة ان فيها اكبر انجاز عشان الادرينالين بتاع الخوف بيبقى في اعلى مستوياته وليا هنا عتب عليك !
ليه تبقى عامل زي اللي بينط السور العالي خوفًا من الكلب اللي بيجري وراه.. ما تبدأ من بدري وتاتا تاتا هتنجز وتلاقي نفسك داخل الامتحان مرتاح!
النوع التاني اللي هو المنهج وطوله او الوقت وقلته او الامتحانات الغريبة وصعوبتها وهنا الحل في رقم واحد ؛ اعذر نفسك قدام نفسك
ومتخليش أسباب ضدك غير اللي خارجة عن ارادتك وبطّل صياح في الحاجة اللي مش ب ايديك هتلاقيك ملكت الوقت وملكت التركيز وانجزت اللي عليك.
وربنا يوفقنا جميعًا..
د. حازم عبدالتواب
April 18, 2026 252 1
