بجد موضوع السن دة مستفز أوي. يعني تلاقي بنات معدية التلاتين متعلمة، مهتمة بنفسها وشكلها وچيم ورياضة وشغل وعاملة حياة لطيفة، ويتبصلها بصة: "يا حراااام"؛ عشان موافقتش على "حمو حناكه" اللي كل المؤشرات بتقول أنه هيبهدلها. السوق وحش وبنقابل عينات الله يجيرنا منها. فنلاقي فين ناس كويسة؟
ج / البنات للأسف نتيجة للثقافة المجتمعية وطريقة التربية، هما اللي حطوا نفسهم في الزون دي.
أنا نفسي كلهم يفهموا الحقيقة دي: أفضل خيارات الحياة إنك تعيشي حياتك وتمليها فاعلية، واستمتاع، والجواز ييجي براحته (واللي بين قوسين اللي مقدرش أقوله بحرية لأن إيدي في المية الباردة في النهاية لكن هقوله: لو الجواز ده مش مطمنة له وعاجبك ومالي عينك يبقى يغور بلاش منه لأن مفيش حاجة بتتعس الحياة زي الجوازة الغلط).
✍🏻 إزاي أعيش حياتي، وأملاها فاعلية؟
(1) يكون عندك مصدر مالي، الأشهر بيكون الشغل.
المال قوة وحرية، أقل مبلغ ثابت مهم.
لو واحدة في أسرة كويسة معاها ومكفياها ماديًّا يبقى تمام، هيكون الشغل هنا بس لو هي شايفة فيه معنى أو تحقيق ذات.
(2) التعلم، معارف ومهارات.
(3) الاهتمام بالصحة، تغذية ورياضة.
(4) حياة روحانية ثرية، علاقة جيدة بالله، وبدينه.
(5) شبكة علاقات: معارف، وصداقات متينة.
(6) روتين جيد للاستمتاع والترفيه المناسب ليها.
(7) لو فيه هوايات أو نشاطات فيها إنجاز وكفاءة واستمتاع يبقى كويس أوي.
وده للي بني آدم عمومًا مش الستات بس.
لكن الستات الحقيقة هما اللي عندهم قصور في القصة دي وحياتهم غالبًا فاضية في انتظار عريس الغفلة.
أ.أحمد سالم
💬 Follow on WhatsApp
📧 How to Contact Us
💳 Support us
90
13
10
3
3
2
1
1September 2, 2026 2.7K 87
