من سحار العز قوم النقا نعم القروم
عزوت المعتاز والي تعصى نخزمه
وان دعا للحق داعي تنابينا عموم
ننصر المضلوم والحق ماحن نكتمه
حسب عرف القبيله والعوايد والسلوم
نحتكم للحق والي تعدا نحكمه
مجدنا بين القبايل مقادي للنجوم
وبرقنا يسري ويشعي السنين المضلمه
بعد ذا يا صبة دهم مجلين الهموم
ياقبايل بالنقا والوفا متوسمه
يادهم انتو هل العرف وافين العلوم
ياعما العيال ذي ما سلومه تحكمه
القضيه وقعت وقعها مثل السموم
وقعت واليوم ذا الوضع لازم نحزمه
قد طرحنا بندق الحق وادينا اللزوم
مابقي من حق عند السحاري يلزمه
بعد ما انصفنا بقي للصفا ميعاد يوم
حسب ما بين القبل من شروع متممه
صوتنا يدعي المشايخ وبالصوت الجهوم
ندعي العراف كلن بجده نزهمه
جاوبونا حسب عرف القبايل والسلوم
من تخطى سلم الاجواد ماله مكرمه
اقعدو في مقعد الحق وبحب الخشوم
عند من ترضو ونرضا بحكم يقدمه
قربو فدغم وما عندنا له من لزوم
ناخذ ونعطي والاعراف مثل المحكمه
السرف والاتهامات جرم وعيب شوم
عرفنا معروف كل القبايل مسلمه
بعد ذا بانشهد الله بما بين الخصوم
يهدي الغافل ومن كان عاقل يلهمه
ونشهد كبار اليمن كل شيخ وكل قوم
والشهاده حق من كان مومن تلزمه
القبايل مجدها صرح من فوق الغيوم
والسفيه استهدف المجد يبغا يهدمه
نخلي الذمه ونبري الذمم من كل لوم
ما الجفا رد الوفا لا ورب المكرمه
بعدها كل القبايل لعزتها تقوم
ما علينا زود كلن عزومه في دمه
#بن_شريم_السحاري