فرشت سجاد عمري بضلمة الليل
ويمر طيفك يضوي ابين النجوم
غشى جفني بمسحتى من تلاكاك
مثل اليلاگي ربه ميَرد من الصوم
شفت نضرة عتب متروسه بس اهات
وصرخات الفواتح بيها مضموم
انا اسف كلتك مو بس اراضيك
نشف ريج النهر من كد الهموم
سنابل يوسف انزرعن بفركاك
وشربن ماي كلبي ويدرنه مهيوم
صعب تلكا بشر يفتهمك بنضرات
و الاصعب من تغدره بفعل مذموم
كلبي جادر عشاير وانت شيخ العام
وما تسوه العكل دونك يمحشوم
