တစ်ချို့သူတွေစကားပြောရင်ပြေပြစ်နေတာမျိုး၊ ချောနေတာမျိုး၊အမှားနည်းတာမျိုးကို တွေ့ရမှာပါ။အထူးသဖြင့်ခေါင်းဆောင်၊မန်နေဂျာ၊တာဝန်ခံ၊အကြံပေး စတဲ့ရာထူးကြီး နေရာကြီးကလူတွေမှာတွေ့ရှိရမှာပါ။သူတို့နဲ့ရာထူးမတူရင်တောင် စကားပြောတဲ့နေရာမှာပြေပြစ်ဖို့ လိုပါတယ်။အဲတာကြောင့်အချက်တစ်ချို့ကိုဝေမျှပေးသွားပါမယ်။
၁-အားနာပါးနာခေါင်းမညိတ်ပါနှင့်။
"အမျိုးအချင်းချင်းမလို့၊သူနဲ့ခင်တာကြာပြီ၊ဘော်ဒါရင်းတွေဘဲ"စတဲ့စကားလုံးတွေနဲ့ ကျွန်တော်တို့ကမလိုချင်တာကိုအောင့်အီးပြီး အဆင်ပြေတယ်ဆိုပြီးရောချလိုက်တတ်ကြပါတယ်။တကယ်တော့မပြေပါဘူး။နောက်ကျစုရင်းစုရင်းစုထားရင်းနဲ့ တစ်နေ့ကျမခံမရပ်ဖြစ်လာပြီးပေါက်ကွဲကုန်တာပါဘဲ။တစ်ချို့ကိစတွေကခေါင်းမညိတ်ရင်နည်းနည်းပြဿနာတတ်နိုင်တယ်ဆိုပေမယ့် ခေါင်းညိတ်ပြီးရမယ့်ပြဿနာကပိုကြီးတယ်ဆိုမညိတ်တာအကောင်းဆုံးပါဘဲ။
၂-သူ့အပေါ်ကိုယ့်ကျေးဇူးလေးရှိထားစေချင်
(မရှင်းပြခင်မှာတစ်ခုပြောချင်တာကဒီနည်းက ဘယ်သူ့ကိုမှအသုံးချဖို့မဟုတ်ပါဘူး၊ဆက်ဆံရေးလည်းတိုးတက် သလိုစကားပြောဆိုတဲ့နေရာမှလည်းပိုလွယ်ကူတဲ့သဘောမျိုးပြောချင်တာပါ)လူကိုယ်တိုင်လိုက်မရင်းနှီးတာချင်းအတူတူတောင်မှ တစ်ခုခုကူညီပေးခဲ့တာမျိုးရှိတယ်ဆိုရင် သူ့ကိုဘဲရွေးချယ်မှာပါ။တစ်ခြားနေရာတွေမှာလည်းဒီအတိုင်းပါဘဲ။နောက်ပိုင်းရင်းနှီးမှုတွေရှိလာကြပြီး လုပ်ငန်းခွင်မှာဖြစ်ဖြစ်၊ဒီအတိုင်းတွေဆုံမှုဖြစ်ဖြစ် အကူအညီရစေသလိုကိုယ်က တစ်ပင်ထူတော့မယ်ဆိုရင်အကူအညီဖြစ်စေပါတယ်။ဒါပေမယ့် တစ်ခုမှာချင်တာက ဒါတွေကစောနကလိုဖြစ်မှပါ။မျှော်လင့်ချက်မထားဘဲပေးပါ၊လူတိုင်းကကိုယ့်အပေါ်သိတတ်ချင်မှသိတတ်မှာပါ။သိတတ်တဲ့သူကိုလည်းအကောင်းဆုံးပြန်လည်ဆက်ဆံချင်းအားဖြင့် နှစ်ဦးနှစ်ဖက်ကောင်းကျိုးအပြန်အလှန်ရှိစေပါတယ်။
၃-ပြတ်ပြတ်သားသားလုပ်ပါ
(ဒီတစ်ခုကအပေါ်ကနှစ်ချက်ထက်ပိုအရေးကြီးပါတယ်)လက်ခံမှာလား?ငြင်းမှာလား?လက်ခံမယ်ဆိုလက်ခံ ငြင်းမယ်ဆိုငြင်း အလယ်ကခွထိုင်တဲ့လူမဖြစ်ပါစေနဲ့။အထူးသဖြင့်လုပ်ငန်းခွင်ရောက်သွားရင် မပြတ်သားတဲ့အကျင့်ကြီးစွဲနေသေးရင်တော်တော်အဆင်မပြေဖြစ်ပါတယ်။သင့်မှာငြင်းပိုင်ခွင့်အပြည့်အဝရှိပါတယ်။အကယ်၍ငြင်းခဲ့သည်ရှိသော်အမြဲတစေ အသေးစိတ်အကျိုးသင့်အကြောင်းသင့်ရှင်းပြရန်မလိုပါ။ဥပမာ-ကလေးတွေနဲ့ပန်းခြံသွားမယ်ဆိုပါတော့၊ကားပေါ်ရောက်မှကလေးတွေက "ဟိုရှော့ပင်းမောသွားမယ် ဒီစားသောက်ဆိုင်သွားမယ်"ဆိုပြီးပြောတာအကုန်လုံးကိုလက်ခံစရာမလိုပါဘူး။"ပန်းခြံသွားမှာလား?သွားရင်သွားမယ်၊မသွားရင်အိမ်ပြန်မယ်"အစရှိသဖြင့် "ဒေါသသံကင်းမဲ့စွာ"ပြောပေးရန်လိုအပ်ပါသည်။"ဓာတ်ဆီကုန်ဘာကုန်"ဖြင့်တိတိကျကျရှင်းပြရန်မလိုပါဘူး။အစကတည်းကပန်းခြံသွားဖို့ဘဲ ရည်ရွယ်ထားတာမလား၊ပန်းခြံဘဲသွားပေါ့။
ပြောတတ်ဆိုတတ်ပေါင်းသင်းတတ်တဲ့သူ by ဖေမြင့်စာအုပ်မှအနည်းငယ်ကူးယူဖော်ပြသည်။
ဖတ်ရှုလိုပါက @P2YCEO2
June 14, 2025 707 2