"ငါကဘယ်နေရာမှာမှမတော်ပါဘူးကွာ..."
"ငါအသုံးကျတဲ့နေရာဘယ်မှာရှိလို့လဲ..."
"သူများတွေများကြည့်ပါလား၊ကူညီပေးမယ့်သူနဲ့ငါ့ကြတစ်ယောက်တည်း..."
"ဒီလိုပုံစံနဲ့ဘယ်လိုလုပ်အောင်မြင်မှာလဲ..."
လွဲမှားနေပြီဖြစ်သည်။
သင်သည်ကိုယ့်ကိုယ်ကို မလေးစားနေခြင်းသာဖြစ်သည်။သင်သည်အခုလောလောဆယ် ရှိနေ့သည့်စွမ်းရည်များကိုပင် ကုန်စင်အောင်ထုတ်ယူခြင်းမရှိနေခြင်းသာဖြစ်သည်။ရာထူးအဆင့်နိမ့်ပါးခြင်း၊လုပ်ငန်းအဆင်မပြေဖြစ်ခြင်းသည်"သင်၌အစွမ်းအစမရှိ"ဟုဆိုလိုခြင်းမဟုတ်ပေ။ထိုအတွေးအခေါ်စဉ်းစားပုံမျိုးသည် တိုးတက် ကြီးပွားမည့်အတွေးအခေါ်မျိုးမဟုတ်။
"ကိုယ့်ကိုယ်ကိုလေးစားခြင်းသည်အောင်မြင်မှု၏အခြေခံအုတ်မြစ်ဖြစ်သည်"
သင်သိပါသလား၊လူဆိုတယ့်အမျိုးဟာကိုယ့်ကိုယ်ကိုပြောဆို၊စဉ်းစား၊ပုံဖော်တဲ့အတိုင်းဖြစ်တယ်ဆိုတာ။သေချာစဉ်းစားကြည့်ရင် ပတ်ဝန်းကျင်မှာကိုယ့်ကိုယ်ကိုအဆိုးမြင်တဲ့သူတွေ ကဘယ်နေရာမှာမှအသုံးမဝင်တာကိုတွေ့ရမှာပါ။ဆန်ကုန်မြေလေးတွေကိုကြည့်လိုက်ရင်"ငါကတော့မအောင်မြင်တော့ပါဘူးကွာ၊ငါပင်ပန်းနေပြီ ငါမလုပ်နိုင်တော့ဘူး၊ငါကတော့အသုံးမကျပါဘူးကွာ"ဆိုတဲ့သူတွေချည်းဘဲ စုနေတာကိုတွေ့ရမှာပါ။သူတို့ကိုကြည့်လိုက်ရင် မသိရင်နှစ်သုံးဆယ်လောက်လုပ်ခဲ့တဲ့လုပ်ငန်းတစ်ခုပျက်သွားသလိုမျိုးနဲ့ တကယ်တမ်းကျကိုယ်အသုံးမကျမှန်းမသိ တစ်ခုနှစ်ခုအဆင်မပြေတာနဲ့တစ်ဘဝလုံးသွားပြီ ထင်တဲ့သူတွေချည်းဘဲဖြစ်နေတာကိုတွေ့ရမှာပါ။
ဘယ်အောင်မြင်ချမ်းသာနေတဲ့သူတွေကမှ ကိုယ့်ကိုယ်ကို အဲ့လောက်အထိအဆိုးမမြင်ပါဘူး။လူတစ်ယောက်ကြီးပွားတိုးတက်ဖို့အတွက်လိုအပ်တဲ့ပထမဦးစားပေးအဆင့်ကိုဖော်ပြပါ့မယ်။
"ပထမဆုံးတစ်ချက်ကအရင်းအနှီးဘဲဖြစ်ရမယ်"။"လုံးဝ"မဟုတ်ပါဘူး။ထပ်ပြောပါ့မယ် အရင်းအနှီးကပထမဦးစားပေးမဟုတ်ပါဘူး။ပထမဦးစားပေးက "သိမ်ငယ်စိတ် (သို့) အဆိုးမြင်စိတ်ကိုဖျောက်ခြင်း"ဘဲဖြစ်ပါတယ်။
တွေ့ဖူးကြလားဗျ၊အရင်းအနှီးဘယ်လောက်ပေးပေး ဆန်ကုန်မြေလေးဖြစ်နေတဲ့သူတွေကို။အိမ်ကတော့ရှိတာလေးကိုထုတ်ပေးတာဘဲ။လေးငါးနှစ်လောက်ကြာတော့ ခွက်ဆွဲရတာမျိုး။နဂိုလခနည်းတဲ့အလုပ်ကိုပြန်သွားရတာမျိုး။ဒါတွေကိုကြည့်ရင်အဓိကအချက်ကအရင်းအနှီးမလောက်လို့မဟုတ်ဘဲ *သိမ်ငယ်စိတ် (သို့) အဆိုးမြင်စိတ်"ကြောင့်ဘဲဖြစ်ပါတယ်။ကြီးသည်ဖြစ်စေ သေးသည်ဖြစ်စေ ကိုယ့်လုပ်ငန်းကိုလေးစားတယ်ဆိုတာက ကိုယ့်လုပ်ကိုယ့်ကိုယ်ကိုလေးစားတာဘဲဖြစ်ပါတယ်။အခုမှစတာအကြီးကြီးတွေကိုမျှော်နေရင်တော့ ဘာမှလုပ်ဖြစ်မှာမဟုတ်ပါဘူး။"ငါ့မှာဘယ်လောက်ဘဲရှိရှိလုပ်မယ်"ဆိုတဲ့သူတွေကမှအောင်မြင်တာဖြစ်ပါတယ်။
The Joy Of Work By Bruce Daiseleyမှ ဖော်ပြသည်။
စကားမစပ်ငလျှင်အတွက်လှူဒါန်းတဲ့မည်သူကိုမဆိုFree Vip Membership တစ်လစာပေးအပ်သွားမှာဘဲဖြစ်ပါတယ်။
April 5, 2025 958 1
