"با هەموومان بەشی خۆمان لە خەبات دا بەشداری بکەین ئەگەرچی پێشمەرگە لە خەبات دا نەخشی پێشەنگی لە ئەستۆیە و تا ئێستاش شێلگیرانە و سەربەرزانە ئەو ئەڕەکەی بەڕێوە بردووە و بەڕێوە دەبا، ئەوە بە هیچ جۆر بەو مانایە نییە کە قورسایی باری گرانی خەبات هەر لە ئەستۆی ئەوە و هێزی پێشمەرگە دەبێ و
دەتوانێ بە تەنیایی پشتی هێزی دۆژمن تێک بشکێنێ و تەمی خەمی لە دڵان بڕەوێنێ. خەبات بۆ ڕزگاری و ئازادی و تێکۆشان دژی دوژمنی سەرەڕۆ و کۆنە پەرست ئەرکی هەموو کەسێکە و گەلی قارەمانی ئێمە پێویستە لەو خەباتە پیرۆزە دا بە گشتی و بە تێکڕایی بەشداری بکا. بە تایبەتی لە هەلومەرجێک وەک هەلومەرجی ئێستادا کە دوژمن لە هەموو بارێکەوە پتر لە پێشوو کەوتۆتە ژێر فشار و پشتی لە ژێر باری قەیرانەکان دا زۆرتر چەماوەتەوە.
کەوابوو هاوکات لەگەڵ بەربەرەکانێی هەمە لایەنەی پێشمەرگەکان، کۆمەڵانی خەڵکیش دەبێ ڕێک و پێکتر لە جاڕان پال وێک دەن و چالاکانە بێنە مەیدانی خەبات".
#٢۶ی_خەرمانان
#ساڵڕۆژی_تیرۆری_ڕێبەری_زانا
#دوکتور_سادق_شەرەفکەندی
PDKIfarsi|PDKIenglish | PDKIkurdish |
PDKII
@PDKI_Media
