چڕەوبۊن ئۆپەراسیۆن دەریایی ئەمریکا لە ڕێڕەوە گرنگەگان ناوچەگە، شادەمار بازرگانی ڕژیم ئێرانی وە تەمامی پەکخستییە و کۆنتڕۆڵ هاتوچۆی کەشتیوانی لە دەس تاران دەرهاوردییە.
فەرماندەیی ناوەندی ئەمریکا (سێنتکام) ئێعلام کرد ک لە چوارچێوەی جێوەجێکردن شەپ دێیم ئۆپەراسیۆن «گۆشەگیرکردن ئابووری» دژ وە کۆمار ئسلامی، تا ئیسە ڕێڕەو ۹٤ کەشتی بازرگانی وەرەو ئێران گۆڕییە.
سێنتکام هەرئیجوورە ئاشکرای کرد ک ئەڕا جێوەجێبۊن تەمام گەمارۆ دەریاییەگان، سێ کەشتی وە تەمامی لەکار خستییە و پشکینین ئەڕا دوو کەشتی ترەکیش کردییە.
هاووەخت سێنتکام وێنەی فڕین شەوانەی فڕۆکەی F-18 لەسەر کەشتی فڕۆکەهەڵگر «جۆرج بوش» بڵاو کردەو ک لە دەریای عەرەب سەرقاڵ پشتگیری ئی ئۆپەراسیۆنەسە.
وەپەی ڕاپۆرتەگان، هێزەیل ئەمریکا هاوشان وەگەرد ڕێگری لە هاتووچۆی نەفتهەڵگرەیل ڕژیم لە بەندەرەگان ئێران، ئەمنییەت دەربازبۊن نەفتهەڵگرەیل وڵاتەگان کەنداویش لە تەنگەی هورموز دابین کردییە.
@PDKI_Media
