Ушбу ҳолат 28 август куни Денов тумани ҳудудида юз берган.
Таҳририятга келиб тушган видеода поезд яқинлашиб келаётгани, оқ рангли Жентра эса тўхташ ўрнига темирйўл кесишмасидан ўтишга урингани акс этган. Бироқ Жентра ўтиб кетишга улгурмаган, йўловчи поезди эса уни катта тезликда уриб кетган.
Зарба оқибатида Жентра йўл четидаги бетон устунга урилиб, пачақланиб кетган. Машина салонидан бир киши отилиб чиқиб кетгани ҳам тасвирларда кўринади.
Ҳозирча ҳолат юзасидан тегишли ташкилотлар расмий изоҳ бергани йўқ.
@OPER_UZ – ОПЕРАТИВ ВА ХАВФЛИ ЯНГИЛИКЛАР КАНАЛИ!
