السلام عليكم ازيك يا شباب يا رب تكونوا بخير
البوست ده مهم سواء انت باطنه او جراحه اعمله save هتحتاجه قريب اوي .. واخر نقطه في البوست اهم نقطه 🤓
🟣 كنت لاقيت ان كذا حد من الدفعه عنده مشاكل مع الديرما ومش عارف يذاكرها .. وعلى الرغم من ان كتاب القسم صغير وحلو بس صعب يتلم لان الجلديه كلها اسماء وامراض جديده على ودانا وحاجات كتير شبه بعض كلهم حبوب وفسافيس في الجلد 😂💔
🟣 فقررت اني اعمل الديرما كلها في جداول مقارنات بطريقه شيك وحلوه وتساعدك في ال Photo memory ونقلت كتاب القسم زي ما هو Copy Paste وعملت الديرما كلها في ٢٥ ورقه وكمان عملت هايلايت عالكلمات المهمه وابه هو الPrimary lesion في كل مرض عشان تفتكره وعملتها في كتيب صغير حلو كده اسمه #NeoNotes_Dermatology
🟣 هتقولي طب ما دكتور سويلم عامل جداول ديرما هقولك انه عامل الديرما كلها في ٧ او ٨ صفح تقريبا ومختصر كلام كتير جدا ومش حاطت اي دياجرامات او صور
🟣 هتقولي فيه جداول كبيره معموله A3 هقولك جرب تطبعها او تفتحها PDF هتلاقيها اكبر من حياتك ومبهوقه ومزنقه الدنيا اوي .. فاسمع الكلام الكتاب ده ما هو الا كتاب القسم بس بالعرض ومقارنات كل شابتر في صفحه او اتنين بكتيره هيلملك الدنيا
🟣 طب هل هي كفايه للامتحان؟ اه لانها كتاب القسم زي ما قولت .. حل معاها MCQ لو انت سنه سادته او ذاكر الصور كويس لو انت سنه خامسه وكل حاجه هتظبط
🟣 اخر نقطه بقي واهم نقطه في البوست .. انا متعود اعمل في بدايه كل كتاب اهداء لناس معينه او لشخص معين .. فملقتش المرادي حد احسن منكم بصراحه اني اعمله اهظاء للكتاب ده ❤️❤️ فالكتاب ده اهداء لدفعتي دفعه القصر العيني ١٩١ #اخر_ساته .. حقيقي شكرا لكل شخص فيكم اعرفه او معرفوش لكونكم كلكم اشخاص كويسين وحقيقي انا فرحان اني اعرف معظمكم واني فرد من دفعه جميله زي دي بجد ربنا يباركلكم ويوفقكم اللهم امين يا رب 🥺❤️
🟣 الكتاب ده اخد مني وقت كتير في فتره صغيره وجيت على مذاكرتي شويه فياريت اي حد هيذاكر منه يفتكرني بالدعاء وان شاء الله كلكم تستفيدوا منه
اخر حاجه الكتاب هتلاقيه موجود على تشانل التلجرام بتاعت ال NeoNotes واللينك اهو:
https://t.me/NeoNotes_2023/55
والي عايز يطبعه فهيلاقيه موجود في مكتبتين الخواجه و iM-Print جمب القصر العيني انا بعتلهم الpdf وهيبقي موجود من يوم السبت او الاحد (اول شهر ٣ - ٢٠٢٣)
بالتوفيق ليكم كلكم
ودمتم سالمين ❤️
Telegram
NeoNotes_2023
28
7March 3, 2023 8.5K 113
