📢 Hörmətli istifadəçilər!
Son günlər ərzində müxtəlif ölkələrdən yeni sistemlə bağlı çoxlu fikir, təklif və rəylərinizi SoAdmin hesabına göndərdiyiniz üçün hər birinizə təşəkkür edirik. ❤️
Eyni zamanda Support qruplarında bir çox istifadəçinin yeni sistemi bəyəndiyini, digər bir qismin isə uzun illərdir öyrəşdiyi köhnə sistemi heç bir halda dəyişmək istəmədiyini görürük.
Biz hər iki tərəfin fikrinə hörmətlə yanaşırıq.
Siz illərdir bu botlarda oyun oynayıb profilinizi inkişaf etdirmisiniz, dostlar qazanmısınız və öyrəşdiyiniz bir oyun sistemi formalaşıb. Digər tərəfdən isə biz də təxminən 7 aydır dayanmadan çalışaraq layihəni tamamilə yeniləmişik və gələcəkdə gətirməyi planlaşdırdığımız bir çox yenilik yalnız yeni sistem üzərində mümkün olacaq.
Bu səbəbdən hər kəsi razı salacaq qərar vermək bizim üçün olduqca çətin idi. Səsvermə keçirsəydik, nəticədən asılı olmayaraq istifadəçilərin bir hissəsi istəmədiyi sistemdən istifadə etməyə məcbur qalacaqdı.
Buna görə ortaq bir qərar qəbul etdik.
📌 Qərarımız
🔹 Köhnə versiya olduğu kimi fəaliyyətini davam etdirəcək. Burada yalnız kiçik yeniliklər əlavə ediləcək. İlk mərhələdə:
👧 Qızlar 🆚 Oğlanlar rejimi;
🎭 Yeni rol.
Bundan başqa köhnə sistem üçün böyük yeniləmələr planlaşdırılmır.
🔹 Ideal Mafia və Combat Mafia üçün isə tamamilə ayrıca Yeni Versiya botları istifadəyə veriləcək.
Yeni sistemə keçmək istəyən istifadəçilər cəmi 5 Kristal ödəyərək keçid edə biləcəklər.
Eyni şəkildə, sonradan yenidən köhnə sistemə qayıtmaq istəyənlər üçün də keçid həmişə açıq olacaq və bunun qiyməti də 5 Kristal təşkil edəcək.
Beləliklə, hər bir istifadəçi istədiyi versiyada oynaya biləcək və heç kim məcburi şəkildə yeni və ya köhnə sistemə keçməli olmayacaq.
📢 Bundan əlavə, Yeni Versiya üçün ayrıca 2 yeni Telegram kanalı yaradılacaq. Bundan sonra:
🆕 Yeni sistemlə bağlı bütün xəbərlər həmin kanallarda paylaşılacaq.
📜 Köhnə sistemlə bağlı yeniliklər isə bu mövcud kanallarda paylaşılmağa davam edəcək.
Ümid edirik ki, bu qərar hər iki tərəf üçün ən ədalətli həll olacaq və hər kəs öz seçiminə uyğun şəkildə oyundan zövq almağa davam edəcək. ❤️
July 30, 2026 129
