وعليكم السلام ورحمة الله وبركاته.
بصي، بالنسبة لرأيي أنا،إلبسيه وماتخليش موضوع الكلية أو الشغل هو اللي يمنعك من طاعة ربنا.
وادخلي أي كلية تكون مناسبة ليكي، حتى لو تربية، ولو بعد كده ربنا كتبلك تدخلي إدارة أعمال، فادخليها برضه، وربنا يفتحلك أبواب رزق من حيث لا تحتسبي.
وافتكري دايمًا إن الرزق بإيد ربنا، مش بإيد كلية ولا وظيفة ولا شخص. وربنا سبحانه وتعالى قال:
﴿وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ﴾
فلو إنتِ بتختاري طاعة ربنا، ماتخافيش إن الطاعة هتضيّع مستقبلك؛ ربنا أكرم من كده، واللي عند ربنا خير وأبقى.
وكمان قال سبحانه:
﴿وَمَن يَتَوَكَّلْ عَلَى اللَّهِ فَهُوَ حَسْبُهُ﴾
يعني خدي بالأسباب، واختاري الكلية اللي تناسبك، وخلي قلبك متعلق بربنا، مش بالكلية ولا بالمستقبل.
النبي ﷺ قال: «إنَّك لن تدع شيئًا لله عز وجل إلا بدلك الله به ما هو خير لك منه»
وبالنسبة لخوفك إنك تخيبي ظن أهلك، حاولي تتكلمي معاهم بهدوء وتفهميهم إنك مش بتضيعي مستقبلك، بالعكس، إنتِ بتحاولي تختاري طريق يناسبك وتكوني فيه مرتاحة، ومعاه تحافظي على طاعتك لربنا.
وأهم حاجة: ماتربطيش رزقك بمكان واحد أو وظيفة واحدة. ممكن باب تقفلي، وربنا يفتحلك عشرة أبواب أحسن منه.
وربنا يكتبلك الخير حيث كان، ويرضيكِ به، ويعينك على طاعته، ويباركلك في مستقبلك وأهلك ودراستك.
