ကိုယ့်ကြောင့် တစ်ဖက်လူခက်ခဲသွားမှာ
သိပ်ကြောက်သလောက်
ကိုယ်ကတော့ တခြားလူတွေကြောင့်
ခက်ခဲနေတာ သဘာဝလိုတောင် ဖြစ်နေပါပြီ ။
ဘယ်သူမပျော်ဘူးလဲ လှမ်းကြည့်တယ်
နားလည်ပေးရမယ်ဆိုတဲ့ အသိတရားလေးရှိတယ် ။
ဘယ်သူ အဆင်မပြေဘူးလဲ လှမ်းကြည့်တယ်
ငါ တတ်နိုင်သလောက် ကူပေးရမယ်ဆိုတဲ့
အသိလေးရှိတယ် ။
ကိုယ့်ကြောင့်ဆိုတဲ့ ခေါင်းစဥ်တွေ
တပ်ခံရမှာစိုးလို့ မမှားပဲလျှော့ပေးခဲ့တာတွေ
အများကြီးပဲ ။
ကိုယ်ကိုယ်တိုင်ကြတော့
အမြဲမပျော်ရပဲ လွဲချော်နေရတယ် ။
နေ့ရက်တိုင်းကို
ဒီလူဟာ စိတ်ကုန်၍ လူပန်းနေပြီ ။
- သုတ
