ကိုညီညီ(တောင်ကြီး): post #157 — TG.ME

ကိုညီညီ(တောင်ကြီး)@KNNTGG · 1.7K subscribers Open in TelegramOpen

t.me/KNNTGG/157

3

September 12, 2024 5.9K 1

More from this channel

[media post] 12.6KSep 15 "Golden Gate Bridge ပေါ်မှာ စက်ဘီး စီးမလား" "စက်ဘီးစီးခြင်းဟာ အားကစားတစ်ခုလို့ သတ်မှတ်ထားတဲ့ San Francisco မြို့ဘက်မှာနေသူ မိတ်ဆွေတို့ဟာ မရင်းခရိုင်-Marine County ၊ စော်ဆလိတို-Sausalito မြို့ဘက်ကို စက်ဘီးစီး မထွက်ဘူးဆိုရင် ပြည့်စုံတယ်လို့ မဆိုနိုင်ဘူး" "မနက်ခင်းတစ်ခုမှာ San Francisco မြို့ကြီးက အိပ်ယာက နိုးလာပေမယ့် Golden Gate Bridge တံတားကြီးကတော့ မြူတွေအုပ်ဆိုင်းနေဆဲ။ ဒါကြောင့် Cycling Group Rides တွေ ရှိတဲ့ Sausalito မြို့ဘက်ကို ထွက်လာခဲ့တယ်" "နေမထွက်ခင် အိပ်ယာကထ Golden Gate Bridge အထိကို ကားမောင်းလာ၊ ကားပါကင်ရှာပြီး သေသေချာချာ ရပ်၊ ပါလာတဲ့ စက်ဘီးကို အောက်ချပြီး Golden Gate Bridge ကို ၁.၇ မိုင် ဖြတ်နင်းသွား၊ ပြီးတာနဲ့ ၅.၈ မိုင်သာ ဝေးတဲ့ Sausalito မြို့ကို ရောက်ပြီ" "အဲဒီမှာ ဘော်ဒါတွေနဲ့တွေ့၊ စက်ဘီး ကောင်းမကောင်း စစ်ဆေး၊ မနက်စာ စား၊ အုပ်စုလိုက် မိသားစုအကြောင်းတွေ စကားပြော၊ ပြီးရင် Golden Gate Bridge ကို နောက်တစ်ခေါက် အပြန် ပြန်ဖြတ်နင်းလာ၊ ကားနားရောက်ရင် စက်ဘီးကို ကားပေါ် ပြန်ချိတ်" ဒီလိုအနေအထားက နေ့စဉ် နေ့တိုင်း လူ ၁ဝဝဝဝ လာရောက် လည်ပတ်လေ့ရှိတဲ့ Golden Gate Bridge အပေါ်ကို စက်ဘီးစီးသူပေါင်း ၆ဝ၀၀ လောက် ဖြတ်နင်းသွားတဲ့ စက်ဘီးစီးခြင်း အားကစားအကြောင်း ရှင်းပြနေတဲ့ Drake ရဲ့ စကားသံတွေ ဖြစ်ပါတယ်။ သူနဲ့ဆုံခဲ့တဲ့ Mike's Bikes စက်ဘီးပစ္စည်းဆိုင်ဟာ https://tinyurl.com/4ppykunv အတော်လေးစုံတယ်။ အတန်းအစားအလိုက် ဈေးစုံတာထက် ဈေးကြီးတဲ့ စက်ဘီးနဲ့ အသုံးအဆောင်တွေကို တွေ့ခဲ့ရတယ်။ ဥပမာ- ကာဗွန်ဖိုင်ဘာနဲ့ လုပ်ထားတဲ့ သာမန် ဒေါ်လာ ၂ဝဝဝ-၂၅ဝဝ တန်အပြင် ဒေါ်လာ ၉၃ဝဝ တန်ကို ဘဝမှာ ပထမဦးဆုံး မြင်ဖူးခဲ့လေတော့ လန့်သွားမိတယ်။ (Walmart မှာဆိုရင် ဒေါ်လာ ၂ဝဝ တန်က တော်တော်ကောင်းနေပါပြီ။ ဒါပေမယ့် လေးတယ်။) စက်ဘီးဦးထုတ် ၁ လုံးကို သာမန် ၂၇ ဒေါ်လာပေးရတာဟာ ဒီဆိုင်မှာ ၁၄ဝ-၂၅ဝ ဒေါ်လာ။ တံဆိပ်က စက်ဘီးချစ်သူတွေ အကြိုက်ဖြစ်သလို Drake ဝယ်ထားတဲ့ စက်ဘီးဟာလည်း ဒေါ်လာ ၃၄ဝဝ ပေးရပါတယ်။ စက်ဘီး ဘီးပေါက်ရင် ဒီဆိုင်က ချက်ချင်းဖာပေးတယ် ၁၅ ဒေါ်လာ ပေးရတယ် တဲ့။ စက်ဘီးချစ်သူတွေ ဆုံစည်းရာလို့ မပြောရဘူး . . စက်ဘီးအစစ်တွေဟာ နံရံမှာ ချိိတ်ထားရုံမက ပန်းချီကားအနေနဲ့ အိမ်သာထဲအထိပါ ချိတ်ပြထားလိုက်သေးတယ်။ ထူးခြားတာက ရေဘုံပိုင်က ရေသန့်စက်၊ ဘယ်ဘက်တစ်ခုက သာမန်လက်ဆေးဖို့၊ ညာဘက်တစ်ခုက ရေသန့်စက်နဲ့ စစ်ချလိုက်ပြီးသား Filtered Water ကို ရေသန့်ဗူးထဲ ထည့်ဖို့ အသင့်ပါတဲ့။ Drake နဲ့ လမ်းခွဲတော့ Robin Williams Tunnel ဆိုတဲ့ ဉမင်လှိုင်ခေါင်း အောက်က https://tinyurl.com/nmse5yx7 မောင်းပြန်ခဲ့တယ်။ လှိုင်ခေါင်းအောက်ထဲ စဝင်တော့ မှောင်သွားပေမယ့် ပြန်အထွက်မှာ နေမထွက်နိုင်သေးတဲ့ Golden Gate Bridge ကို မြူတွေကြားမှာ တွေ့နေရဆဲပဲ။ စက်ဘီးဟာ စက်တပ်ယာဉ်မဟုတ်တော့ ဘာဖြတ်ခမှ မပေးရတာက သိပ်ကောင်းတဲ့ အချက်၊ တံတားကြီးပေါ်မှာ လူတွေဟာ ကျန်းမာရေး လေ့ကျင့်ခန်း လုပ်သူတွေနဲ့ ပြည့်နှက်၊ စက်ဘီးချစ်သူတွေဟာ မြူတွေကြားမှာ Golden Gate Bridge ကို နှုတ်ဆက်၊ ကျွန်တော်ကတော့ Golden Gate Bridge ရဲ့ https://tinyurl.com/42yrndra ကုန်းတွင်းဘက်အခြမ်းကို မနားတမ်း ခရီးဆက်။ #KNNTgi 09-14-2024 11.2KSep 15 May 2024 ကိုညီညီ(တောင်ကြီး) ရေးခဲ့သည်များ။ 05-09-2024 "DV ပေါက်တဲ့သူတွေ ဘာတွေကြိုတင်ပြင်ဆင်ထားဖို့ လိုမလဲ" https://tinyurl.com/39375tww . 05-12-2024 "DV ဘာလဲ ဘယ်လဲ ဘယ်တော့လဲ" https://tinyurl.com/ms5jz8cc . 05-12-2024 " Wheelchairs တော့ Wheelchairs ဒါပေမဲ့ Olympic Wheelchairs" https://tinyurl.com/yc5wtpt5 . 05-13-2024 "DV Winner တွေကို ချီးကျူးပါတယ်" https://tinyurl.com/yh3n9spt . 05-14-2024 "အခက်အခဲကြုံလာတိုင်း" https://tinyurl.com/4bat4688 . 05-17-2024 "အမေရိကားမှာ ကလေးတွေ ဘွဲ့ယူတဲ့အခါ" https://tinyurl.com/mr2afphr . 05-19-2024 "အလွယ်ရလို့ အလကားမထင်စေလိုပါ" https://tinyurl.com/mwz4d9j6 . 05-22-2024 "Y သို့မဟုတ် အမှန်တရားသော့နဲ့ ဖွင့်ခဲ့တဲ့ ပြည်ဝင်ခွင့်တံခါး" https://tinyurl.com/2vfyehb6 . 05-22-2024 "တိုးတိုး နဲ့ I want to 40 bus" https://tinyurl.com/2p87c3vf . 05-25-2024 "လူစာအုပ်ဖတ်သူ" https://tinyurl.com/5xhz4kw8 . 05-26-2024 "အတိုဆုံး ဘဝသင်ခန်းစာ" https://tinyurl.com/5x2umpxa . 05-28-2024 "ICE အရာရှိတစ်ယောက်နှင့်ဖုန်းပြောခြင်း" https://tinyurl.com/38m2ymyw . 05-29-2024 "ငွေချေးပြီး အမေရိကားလာရင် ပြန်ဆပ်နိုင်ပါ့မလား" https://tinyurl.com/3k662sdp . 05-30-2024 "အမေရိကားမွေး ကလေးငယ် ပါ့စပို့" https://tinyurl.com/k8ye2vm2 . #KNNTgi 09-11-2024 8.2KSep 12 "အပူ" အခု လာမေးတဲ့ အလှည့်ကျ မေးခွန်းကတော့ "DV ပေါက်တာ သိထားပြီးပြီ၊ ဘယ်တော့လောက် အိမ်တိုင် ချွတ်ရောင်းရမလဲ" ဆိုတာပါပဲ။ မေးခွန်းက ရွဲ့ပြီး မေးလာပေမယ့် ကျွန်တော့မူအတိုင်း အတည်အတံ့ ဖြေပါမယ်။ လူမတူ၊ မူမတူ၊ အတွေးမတူ၊ အရေးမတူ၊ ဝေဒနာ မတူတော့ စေတနာ မတူ၊ ကိုယ်ချင်းစာတရား အရှေ့ထား၊ အနောက်ထား မတူတာကိုတော့ သတိချပ်ပေးပါ။ DV ပေါက်ခြင်း မပေါက်ခြင်းဟာ နှစ် ၁ နှစ်ရဲ့ မေလမှ စစ်ရတာပါ။ DV တင်တုန်းက အောက်တိုဘာလ၊ ဒါဆိုရင် ၇ လလောက် စောင့်ပြီးမှသာ ရင်ခုန်ခွင့် ရတာ ဖြစ်ပါတယ်။ ဒါပေမဲ့ DV ပေါက်တာကို သိသိချင်း စိတ်လှုပ်ရှားပြီး ဟိုဟာရောင်း၊ ဒီဟာရောင်း၊ ငွေလျှောက်ချေး၊ လုပ်ဖို့ မလိုပါဘူး။ (၁) ပေါက်လာတဲ့ Case Number ကို ကြည့်ရပါမယ်။ Case Number 2000-3500 ကြား ပိုင်ရှင်တွေဟာ ၇-၉ လ လောက်အတွင်း ဗီဇာရပြီး ခရီးထွက်ရနိုင်ပါတယ်။ ဒီလို စောသူတွေမှာ ငွေပိုလျှံသူ ပါလာရင် စိတ်ပူစရာ မရှိပေမယ့် ဘာကြေး၊ ညာကြေး၊ အင်တာဗျူးကြေးတို့အတွက် အရင် ပြင်ဆင်ထားရင် ရပါပြီ။ (၂) ဘာမှ အလျင်စလို ရောင်းချဖို့ မလိုပါ။ DV ပေါက်ထားသူ လူ ၁ဝဝ မှာ လူ ၁ဝဝ လုံး မသွားရပါဘူး။ ဘာဖြစ်လို့လဲဆိုတော့ အမေရိကန်အစိုးရက ထုတ်ပေးတဲ့ Green Card တစ်နှစ်စာ ၅၅ဝဝဝ မှာ ပေါက်တဲ့စာ ရောက်လာပြီးခါမှ . . . . !~ Qualified မဖြစ်သူ . !~စာရွက်စာတမ်း မစုံသူ . !~လိမ်ညာဖို့ ကြိုးစားသူ . !~အမှားကို အမှန်လို လုပ်တင်ထားပြီး တကယ်ပေါက်လာတော့ ဘာမှ ဆက်လုပ်လို့မရတော့သူ (ဥပမာ-၁ဝ တန်း မအောင်တာကို အောင်တယ်လို့ တင်ထားသူ)၊ နောက်ဆုံး . !~(မည်သည့်နည်းနှင့်မှ) ပါ့စပို့ လုပ်လို့မရတော့သူ(မြန်မာနိုင်ငံတစ်နိုင်ငံတည်းသာ) တွေ ပါလာနိုင်တာကြောင့် နှစ်စဉ်နှစ်တိုင်း ၅၅ဝဝဝ ရဲ့ (၂ သို့ ၂.၅ ဆ) မဲ ပိုဖောက်ပေးလိုက်ပါတယ်။ ဒီအခါမှာ Case Number နောက်ကျသူတွေ မသွားလိုက်ရဘူးဆိုတဲ့ အလွမ်းဇာတ်ရှည်ကြီးက ၂ဝ၁၁ လောက် ကတည်းက စတင် ဖြစ်ပေါ်လာခဲ့ပါတယ်။ ဒါကြောင့် DV ပေါက်တဲ့နေ့နဲ့ နောက် ၁ လတိတိ ပျော်ရွှင်ပါ။ DV ပေါက်ပြီးရာကနေ စပြီး အင်တာဗျူးမရမချင်း စိတ်ပူပင်ရပါတယ်။ ဒီကြားထဲမှာ အပူပေါ် အပူဆင့်ဆိုသလို . !~ပြည်တွင်းအပူ . !~ရန်ကုန်အပူ . !~ငွေကြေးအပူ . !~မိန်းမ မလိုက် အပူ . !~ယောက်ျား မလိုက် အပူ . !~ကလေး ၂၁ နှစ်ကျော်သွား အပူ . !~မိန်းမဗိုက်ထဲမှာ ကိုယ်ဝန်ရှိနေတဲ့အပူ . !~မွေးစာရင်း ရှာမရ အပူ . !~အမည်နာမတွေ တစ်နေရာမဟုတ် တစ်နေရာ မတူညီခြင်း အပူ . !~ပါ့စပို့ အမျိုးအစား အပူ . !~CDM အပူ . !~KCC အပူ . !~Visa Bulletin မထွက်လာ အပူ . !~2NL ဒုတိယစာ မလာ အပူ . !~အမေရိကန်သံရုံး အင်တာဗျူး အပူ . !~ငွေဈေးတက် အပူ . !~မင်္ဂလာဒုံလေဆိပ် အထွက်အပူ . !~အမေရိကန် လေဆိပ် ပြည်ဝင်ခွင့် ရဲဝန်ထမ်း အပူအထိ ပူ ပူ ပူ နဲ့ ပူနေရပါတယ်။ ဒါကြောင့် ရှိတာကို ရောင်းထုတ်ပြီး ငွေထုတ်ကိုင်ပြီး ထပ်စိတ်ပူ မနေပါနဲ့တော့။ သူခိုးရန်က ပိုပူနေရပါဦးမယ်။ ဘာပဲ ပြောပြော လူတွေကို သည်းခံခြင်းတရား ရှေ့ထားတတ်အောင် လေ့ကျင့်ပေးနေတဲ့အထဲ ရန်သူ ၅ ပါးပြီးရင် DV ပါလာပါတယ်။ ဒါကြောင့် မေးခွန်းကို တည့်တည့်ဖြေရရင်တော့ DV ပေါက်တာနဲ့ ထုခွဲရောင်းချစရာ မလိုသေးပါ။ DV Winner အနေနဲ့ အမေရိကားကို ရောက်လာပြီးတာနဲ့ (တန်းပြီး အခြေမချချင်သေးရင်) SSN ၊ Green Card ယူပြီး ပြန်ထွက်၊ မြန်မာနိုင်ငံမှာ ပြန်သွားစီစဉ်လို့ ရပါတယ်။ အရေးကြီးတာက မောင်တစ်ယောက်ထဲ လာရင်လည်း ပြီးတယ်၊ မယ်တစ်ယောက်ထဲ လာရင်လည်း ပြီးတယ်၊ အဲ . . . မောင်နဲ့မယ် အတူတူလာလို့ ကလေးငယ် ပါလာရင်တော့ တစ်ယောက်က ကလေးတွေ ကျောင်းတက်ဖို့ နေခဲ့ပြီး နောက်တစ်ယောက်က အကုန်ရိတ်သိမ်းဖို့ လယ်ကွင်း သွားသိမ်းလို့ရတယ်။ သတိထားဖို့ လိုတာက မြန်မာနိုင်ငံက မိမိပိုင် ပစ္စည်းတွေကို လွှဲခဲ့သူဟာ တလွှဲသုံးစား မလုပ်သွားဖို့ပါပဲ။ သိတယ်နော် . . . အပူတကာ့ အပူထဲမှာ နောက်ဆုံး ထပ်တိုးလာတာကတော့ DV အပူပါ။ DV Program တင်ဖို့လိုတဲ့ အချက်အလက်တွေက 1) နာမည် 2) မွေးနေ့သက္ကရာဇ် 3) မွေးဖွားတဲ့မြို့ 4) နေရပ်လိပ်စာ 5) အီးမေးလ် 6) ဖုန်းနံပါတ် 7) ပညာအရည်အချင်း 8) အိမ်ထောင်ရေးအခြေအနေ 9) ၂" X ၂" အဖြူနောက်ခံဓာတ်ပုံ မိသားစုလိုက်လျှောက်ရင် 10) မိသားစုဝင်တွေရဲ့ နာမည် 11) မိသားစုဝင်တွေရဲ့ မွေးနေ့ 12) မိသားစုဝင်‌တွေရဲ့ မွေးရပ် 13) မိသားစုဝင်‌တွေရဲ့ ဓာတ်ပုံ တို့ဖြစ်ပါတယ်။ လျှောက်ဖို့လင့် October မှ https://dvprogram.state.gov/ #KNNTgi 09-10-2024 6.2KSep 11

[media post] 3.4KSep 11