KBEuz | LIVE

Toshkentning Mirobod tumani Taras Shevchenko ko‘chasida o‘tkazilgan Mangal fest festivalida 2-avgust kuni bir necha fuqarolar janjallashdi. Holat aks etgan videolar ijtimoiy tarmoqlarda tarqaldi.

Poytaxt IIBB matbuot xizmatining bildirishicha, mazkur festival tinch va osoyishta o‘tishini taʼminlash maqsadida huquqni muhofaza qiluvchi organlar jalb qilingan. Biroq ayrim fuqarolar jamoat tartibini buzib o‘zaro janjallashgan.

“Shu yerda xizmat olib borayotgan Ichki ishlar organlari va Milliy gvardiya xodimlari tomonidan ushbu janjal to‘xtatib qolindi hamda og‘ir oqibatlar sodir etilishiga yo‘l qo‘yilmadi”, deyiladi xabarda.

Qayd etilishicha, janjallashgan fuqarolarning barchasining shaxsi aniqlanib, profilaktik suhbat o‘tkazish maqsadida yaqin oradagi IIBga olib borilgan.

Videoda aks etgan holat yuzasidan Mirobod tumani IIO FMB tomonidan tergovga qadar tekshiruv o‘tkazilmoqda. Tekshiruv yakuni bo‘yicha jamoat tartibini buzishda ishtirok etgan fuqarolarning harakatlariga huquqiy baho berilishi taʼminlanadi.

Ijtimoiy tarmoqlarda aytilishicha, ushbu festivalda ko‘plab pivo brendlari namoyish etilgan. Bu Taras Shevchenko ko‘chasida o‘tkazilgan ikkinchi festival. 27—29-iyun kunlari pivo festivali — Beer fest o‘tkazilgandi. “Milliy tiklanish” partiyasi raisi o‘rinbosari Feruza Muhamedjonova: “bu tadbir xalqning milliy anʼana va o‘zligiga tupurish”, deya keskin munosabat bildirgandi. Partiya raisi Alisher Qodirov hamkasbi fikrlariga qo‘shimcha ravishda festival tashkilotchilari jazolanishi lozimligini taʼkidlagandi.

Bir yarim yillik urush davomida 19 ming bola o‘ldirildi, universitetlar va shifoxonalarni vayron qildingiz. Bularning barchasi siyosiy g‘alabasiz. Sizlar ojizsizlar, chunki begunoh odamlarni o‘ldiryapsizlar, degan u nutqida.

Xorazm viloyatida maktab direktorining dars vaqtida sinf xonalarda biriga kirib, o‘quvchi qizni kaltaklagani aks etgan tasvirlar bo‘yicha viloyat Maktabgacha va maktab ta’limi boshqarmasi rasmiy munosabat bildirdi.

Aniqlanishicha, holat 7 aprel kuni Qo‘shko‘pir tumanidagi 14-sonli maktabda sodir bo‘lgan. Maktab direktori dars vaqtida 11-sinf xonasiga kirib, bir necha qizlarni sochini yig‘maganligi sababli ularning sochidan tortib, tanbeh beradi va buning ortidan ularning biri bilan janjallashib ketadi.

Idora xabarida holat yuzasidan maktab direktori vakolatli tashkilotlar tomonidan ma’muriy javobgarlikka tortilgani, shuningdek, unga pedagogga xos bo‘lmagan harakatlari uchun hayfsan intizomiy jazo chorasi qo‘llanilgani ma’lum qilingan.

Avvalroq Samarqandda darsga kech kelgan 7-sinf o‘quvchisiga tashlanib, unga zo‘rlik va tazyiq o‘tkazgan o‘qituvchi ishdan olingandi.