ലഗ്നം നില്ക്കുന്ന രാശിയുടെ 8 ല് രാഹുവും, 2 ല് കേതുവും നില്ക്കുക, ഇതിനുള്ളിലായി സപ്ത ഗ്രഹങ്ങള് നില്ക്കുക, ഇങ്ങനെ വന്നാല് ഈ യോഗം ഭവിക്കുന്നു.
ധാരാളം ശത്രുക്കൾ ഉണ്ടാകുക, സാമൂഹ്യ വിരുദ്ധ സ്വഭാവമുള്ളവരുമായി ചങ്ങാത്തം സ്ഥാപിക്കുക, പൂർവ്വിക സ്വത്തുക്കള് ലഭിക്കാതിരിക്കുക ഇവയൊക്കെയാണ് ഈ യോഗഫലങ്ങൾ .
9. ശംഖ ചൂഡ കാളസർപ്പയോഗം:
ലഗ്നാല് 9 ല് രാഹുവും 3 ല് ശിഖിയും നില്ക്കുക, ഈ ഭാവങ്ങൾക്കുള്ളിലായി മറ്റ് ഗ്രഹങ്ങള് നില്ക്കുക, എങ്കില് ഈ യോഗം ഉണ്ടാകുന്നു.
കള്ളം പറയുന്ന സ്വഭാവം ഉണ്ടാകുക, ജീവിതത്തില് കൂടെക്കൂടെ ഉയർച്ച താഴ്ചകള് അനുഭവപ്പെടുക, പെട്ടെന്ന് വികാരാധീനനാകുക, ഇവയെല്ലാമാണ് ഈ യോഗഫലങ്ങൾ.
10. ഘാതക കാളസർപ്പയോഗം:
രാഹു 10 ലും കേതു നാലിലും നില്ക്കുകയും ഇതിനുള്ളിലായി മറ്റു ഗ്രഹങ്ങളെല്ലാം നില്ക്കുകയും ചെയ്താല് ഈ യോഗം ഭവിക്കുന്നു.
കോടതി നടപടികൾക്ക് വിധേയനാകുക, സർക്കാരിൽ നിന്നും ശിക്ഷ അനുഭവിക്കേണ്ടിവരുക, എന്ന ദുരന്താനുഭവങ്ങളോടൊപ്പം രാഷ്ട്രീയ രംഗത്ത് വളരെ ഉയർന്ന അധികാര സ്ഥാനങ്ങളിലെത്തിച്ചേരുവാനും കഴിയുന്നു. പ്രത്യേകിച്ച് ചിങ്ങം, കന്നി രാശികളിലേതെങ്കിലും ഒന്ന് ലഗ്നമായി ജനിക്കുന്നവര്ക്ക് ഈ യോഗമുണ്ടായാൽ രാഷ്ട്രീയമായും ഭരണപരമായും വളരെ ഉയർന്ന പദവിയിലെത്തിച്ചേരുന്നതാണ്.
11. വിഷധര കാളസർപ്പയോഗം:
ലഗ്നത്തിന്റെ 11 ആം ഭാവത്തില് രാഹുവും 5 ഭാവത്തില് കേതുവും അതിനിടയിലായി മറ്റു ഗ്രഹങ്ങളും നിന്നാൽ ഈ യോഗം ഭവിക്കുന്നു.
ജീവിതത്തില് തുടർച്ചയായി യാത്ര ചെയ്യേണ്ടി വരിക, ഒരു സ്ഥലത്തും സ്ഥിരമായി താമസിക്കുവാൻ ഇടവരാതിരിക്കുക, സന്താനങ്ങളിൽ നിന്നും പ്രയാസകരമായ അനുഭവങ്ങൾ ഉണ്ടാകുക എന്നിവയാണ് ഫലങ്ങൾ . എന്നാല് വാർദ്ധ്യക്യത്തില് ഈ യോഗ ജാതകർ സമാധാനത്തോടും സ്വൈരതയോടും കൂടി ജീവിക്കുന്നവരായിരിക്കും.
12. ശേഷ നാഗ കാളസർപ്പയോഗം:
ലഗ്നാല് 12 മത് ഭാവത്തിൽ രാഹുവും ആറാം ഭാവത്തിലൽ കേതുവും അതിനിടയിലായി മറ്റ് ഗ്രഹങ്ങളും നിന്നാലുണ്ടാകുന്ന ഒരു യോഗമാണിത്.
ആരോഗ്യത്തിന് ഹാനിയുണ്ടാകുക, ശത്രുക്കളുണ്ടാകുക. വ്യവഹാര നടപടികൾക്ക് വിധേയനാകുക എന്നിവയാണ് യോഗഫലങ്ങൾ .
ശ്രദ്ധിക്കുക ഇവിടെ ലഗ്നം അകത്തും പുറത്തും വന്നത് കാണാം...
യഥാർത്ഥത്തിൽ ഇതൊരു ദോഷം ആണോ എന്ന് ചോദിച്ചാൽ ആണ് എന്ന് പറയണം... കാരണം ഒരു ഭാഗത്തു ഗ്രഹങ്ങൾ നിൽക്കുമ്പോൾ അവയുടെ സ്വാധീനം മനുഷ്യന് ശക്തമായി ഉണ്ടാകും ( ഭൂമിയുടെ കാര്യമാണ് ഗ്രന്ഥങ്ങളിൽ പ്രധാനമായി സൂചിപ്പിക്കുന്നത് എങ്കിലും ).....
പരിഹാരമായി ജാതകത്തിലുള്ള മറ്റു മുജ്ജന്മദോഷങ്ങൾക്കുള്ള പ്രതിവിധികൾ ചെയ്യുക....... നവഗ്രഹ പ്രാർത്ഥന നടത്തുക...ഏതുഗ്രഹമാണോ ശക്തമായ ദോഷം ചെയ്യുക എന്ന് കണ്ടുപിടിക്കുകയും... അതനുസരിച്ച് വേണം പ്രതിവിധികൾ തീരുമാനിക്കാം...
കാള ഹസ്തിയിൽ ഇതിനൊരു പൂജയുണ്ട്...ശിവൻ
എല്ലാ ഗ്രഹങ്ങൾക്കും അധിപൻ ആകയാൽ ചെയ്യുന്നതിൽ കുഴപ്പമൊന്നുമില്ല... പക്ഷേ അതുകൊണ്ട് ഈ ദോഷം പൂർണമായും മാറിപ്പോകും എന്ന് വിശ്വസിക്കരുത്.
ആ പൂജയുടെ ഒരു ചെറു വിവരണം.
-------------------------------------------------------
ആശീർവാദ പൂജ
രാഹു-കേതു ആശീർവാദ പൂജ നടത്താനുള്ള ശരിയായ സ്ഥലം ക്ഷേത്രത്തിന് ഉള്ളിലെ ശ്രീമുരുകന്റെയും പത്നിമാരുടെയും വിഗ്രഹത്തിനു മുന്നിൽ കാണുന്ന ഇടം ആണ്. അവിടെ വലിയ രാഹു-കേതു വിഗ്രഹങ്ങൾ അലങ്കരിച്ചുവച്ചിട്ടുണ്ട്. സമീപത്തായി സരസ്വതി നദിയിലെ കിണറും കല്യാണോത്സവ മണ്ഡപവും ഗണപതിക്ഷേത്രവും കാണാം. ക്ഷേത്ര കൗണ്ടറിൽ നിന്നു പൂജാ ടിക്കറ്റുകൾ എടുത്ത് ഇവിടേക്കു വരണം. ടിക്കറ്റിനൊപ്പം പൂജാസാധനങ്ങളും പുഷ്പങ്ങളും ക്ഷേത്രം അധികാരികൾ നൽകും. ഭക്തർ സ്വയം പൂജകൾ നടത്തുന്ന രീതിയാണ് ഇവിടെ ഉള്ളത്.
രാഹുവിനു കറുത്ത പട്ടും കേതുവിന് ചുവന്ന പട്ടും തറയിൽ വിരിച്ച് അതിനു മുകളിൽ യഥാക്രമം രാഹുവിന് ഉഴുന്നും, കേതുവിന് മുതിരയും സമർപ്പിച്ച് രണ്ട് ചെറുനാരങ്ങകൾ വയ്ക്കുന്നു. പട്ടുകൾക്ക് ഇടയിൽ ആയി വെറ്റില, അടയ്ക്ക എന്നിവ വയ്ക്കുന്നു. ഉഴുന്നിന് മുകളിൽ രാഹുവിന്റെ ചെറിയ വെള്ളി വിഗ്രഹവും, മുതിരയ്ക്ക് മുകളിലായി കേതുവിന്റെ വെള്ളി വിഗ്രഹവും വച്ചശേഷം തേങ്ങ ഉടച്ച് വയ്ക്കുന്നു. തുടർന്ന് പൂജാരി മന്ത്രങ്ങൾ ഉരുവിടുന്നു. അത് ഏറ്റ് ചൊല്ലി പുഷ്പം കൊണ്ടും, സിന്ദൂരം കൊണ്ടും ചെറു വിഗ്രഹങ്ങളിൽ അർപ്പിച്ച് ദീപാരാധന നടത്തുന്നു. ശേഷം പൂജാരി ഭക്തരുടെ കഴുത്തിൽ പട്ട് വസ്ത്രങ്ങൾ അണിയിക്കുന്നു. ആശീർവദിച്ച് ദക്ഷിണ വാങ്ങുന്നു.
പൂജ കഴിഞ്ഞ് രാഹു-കേതു വിഗ്രഹങ്ങൾ കയ്യിൽ എടുത്തുകൊണ്ട് ശ്രീകാള ഹസ്തീശ്വരന്റെ ക്ഷേത്രത്തിലേക്ക് ഭക്തർ പോകുന്നു. അവിടെ ശ്രീകാളഹസ്തീശ്വരനെ തൊഴുത് പ്രാർഥിച്ച് പ്രസാദവും സ്വീകരിച്ചശേഷം കയ്യിലുള്ള രാഹു-കേതു പ്രതിമകൾ അവിടത്തെ ഭണ്ഡാരത്തിൽ(ഹുണ്ടിക) പുറം തിരിഞ്ഞ് നിന്ന് മൂന്ന് തവണ തലയ്ക്ക് ഉഴിഞ്ഞ് കാലസർപ്പയോഗം തീരണം എന്ന പ്രാർഥനയോടെ നിക്ഷേപിക്കുക.
December 12, 2024 940 4
