32 نفر عبروا في مثل هذه الساعات من معسكر عمر بن سعد إلى معسكر الحسين،
وغيروا مجرى حياتهم إلى أبد الآبدين...
العبور صعب، بس بنفس الوقت ممكن،
يحتاجله شغلتين مو أكثر:
1. توفيق إلهي
2. قلب ما متعلق بالدنيا،
وهالموضوع ماله علاقه شگد وشنو تملك؟
المهم شگد تعلقك بما تملك؟
عائلة، سمعة، وظيفة، سيارة، منصب...
كلهن بالعافية عليك، بس لايصيرن ساتر بينك وبين الحسين...
وبكل وضوح مااقصد بينك وبين الشعائر فقط، لا لا، اقصد بينك وبين المواقف اللي تثبت أنت حسيني صدك لو نص ردن،
والحمد لله الأوضاع الجارية خير كاشف ودليل لمدى تعلق قلوبنا بالدنيا، ومدى تعلقها الفعلي بالحسين وخطه وامتداده.
أقول قولي هذا واسألكم الدعاء لهذا المحتاج بان يخلصنا من التعلق بهذي الدنيا الماصخه، المابيها طعم لولا محمد وآل محمد.
.
.
@ali_maneea
