غروري وكبريائي المزيف بقاله سنين قاعد بيحشي اوهام فدماغي ان مفيش حاجة اسمها عجز اللي بيعوز حاجة بيعملها مهما كانت، وكلام من دا كتير طب منا بقالي سنين عايش جوة دماغي وحابس نفسي عشان شايف اني احسن من اي حد، واقدر اعمل اي حاجة، طب ليه مبعملش ده!!
اني اعترف بالعجز ده معناه اني اكسر كل مبادئي وقوانين دماغي الخاصة، انا فعلا مش عارف ادير حاجات فحياتي انا مش عارف امنع نفسي افكر في حاجه بتأذيني، انا عاجز عن اني افهم نفسي وتصرفاتي، عاجز اني اشوف الدنيا بشروطها هي مش بشروطي انا، وكل ما بحاول اجدد الشروط دي فدماغي عشان تناسب شروط الدنيا بفشل فشل ذريع مهما حاولت انسقهم مع بعض.
