مرحبا حبايب، موصل السي ممبرز
من تشوفوني الح على شي معناها هلشي مهم وبينو فائدة كبيرة الكم🧡
هذا المشروع تعاون رسمي بين الجمعية ووزاة الصحة (يعني الي حيشارك بينو راح يسجل اسمه يم الوزراة واحتمال كبير تحصلون منها شهادة)، شلون حيمشي المشروع؟
اول مرحلة، هي نحضر سشن واحد اونلاين بتاريخ 23/8 يقدمه دكاترة اخصائيين بأمراض الدم من وزارة الصحة عن الثلاسيميا وخطرها واهمية الفحص والخ..
ثاني مرحلة، هي فيلد افنتز خلال شهر 9 الى شهر 12، نروح بيها ع الجامعات، مستشفيات، مولات والاماكن العامة الي يكثرون بيها الشباب والبنات الي بأعمارنا خصوصاا المقبلين ع الزواج لان همه هدفنا الاساسي
نحتاج معانا شباب وبنات من طلاب الطب وطب الاسنان والصيدلة حنى كلنا نشتغل ايد بايد ونرفع الوعي بمجتمعنا ع الثلاسيميا (ممكن نكون سبب انو ما ينولد جيل عنده ثلاسيميا ونحمي ارواح اطفال مالهم اي ذنب لان اهلهم محد وعاهم عن الفحص)
هذا الكول الوحيد الي راح ينزل وماكو كول للبارتسبنت (انتبهوا على هاي حبابين)
آخر موعد للتقديم هو اليوم السبت ساعة بـ3:00 العصر، والقبول يكون بس للاعضاء
طول التيرم كنتم تطلبون مني فيلد افنت، اجا الفيلد افنت ليمكم، فاستغلوا الفرصة ولا تضيعوها🧡
