جَحيم .

بعدني معَلعَل بدونَك
شما كثرت عليه عيون
فدوه تروح لعيونك
وأذا ويايه صارو ناس
كل عقلك يعوضونك ؟
لا تتوقع تخطيت
أنه بگلبي ماخونك .

.

الهَوئ يلتم علية منين مِا ذگروك
وأدك رچلي وأضل بٰـ عازة الخنگة
أغصَ بـ ريحتك ما گمت أغص بالزادَ
المفارك النسَمة العابرة تغرگة
مو بس الصِواب ألنفسّ هم گتال
سهم يمشي الخِريف بـ رية الورگة
نيتك صافية وتعرفَ شلون تروح .

وبَعد ذيچ
المَواقِف كُلها و الوّنسة
گوة اطلّع گمِت هسَة ،
واحِب اگعُد لـ وحَدي هوّاي
و اليگعُد لـ وَحِدة هوّاي
مِا ينسَى ،
تِرا الگدامِكُم خاسِر
هوّاي اشيَاء
واخِر شي خِسر
نفسَة .

حَنيتلك وادري اليحِن
يبچّي ويموُت بسَكته
ومو مَال نتعاتب بعد
راح المعَاتب وكته
ومِن ياهي أبدي بفَرگتك
خليتني معَلعل وأوِن
ماضل وِجع ماضِگته .

مَرة گتلك
لو تفارگنة ، تعيش ؟
وگتلي مَن تروح ،
مَا اريد أي بشر
وأنتَ بعد فراگي
يومَين وهويت
شوية دصبُر عاد
خل يعبُر شهر .

خويه يـا عَباس أريدك
بَطلت ماريد المَاي
مِن الخيم حَد الشريعه
گوه أجيتك يا ضماي
آنه وَي فراك وَجهك
تهت ماضل عندي راي
ركض وصياح وشماته
والشمر يُركض وراي
خويه هاي الناس
كلش تعبتنا
هدت على الخيمه
خويه وفرهدتنا .

الليله بس الليله يمنه
وباچر الله اليدري وين
باچر يموتون أهَلنه
ووليه باچر تنولين
باچر يموت الكفيل
وعلي الأكبر والحُسين
والرماح تشيل باچر
وينه أبو الكَلب الحَنين
حيره باچر ،
جَرح أزيد مِن جرح
كُل عزيز ،
وراسه مَرفوع بـرمح .