مريض اتعنه للعباس يشكي الحال يم بابه
يبجي ويهمل ادموعه ايكله اليوم طلابه
💦💦💦💦💦💦💦💦
مريض وكلبه بيه عله ويشكي يمك اليله
محتار بحجي الدكتور وانته مرضه الشيله
ادموعه اعله الوجن طاحن بجاه امعدل الميله
وعرف سيدي ومولاي متفشل الطلابه
💦💦💦💦💦💦💦💦
حالي اليوم متكدر وانته سيدي اشافي
ياعباس اترجاك تشفي علت اجتافي
متعني وجيت اليوم ومشي الحظرتك حافي
انته البشدايد دوم ازامط بيه احبابه
*الشاعرة هيلين الساعدي*
💦💦💦💦💦💦💦💦
اریداتعنه للعباس یالجودڬ بحر مولاي
نظره وحده من عندڬ تشفي العله یارواي
ابجاه الي سبوها الکوم صاحت وین یارجواي
ادکن باب بي جفین یشافي العله یم بابه
*الشاعره ام یاس الساعدیه*
💦💦💦💦💦💦💦💦
تعنيتك ياخوا زينب وجيتك دمعتي بعيني
احلفك بالدرع والطاس مريضه لاتخليني
أعرفك للحوائج باب من علتي تشافيني
ياحامل لواء حسين انت الكلك هيابه
*خادمة النور المقدس*
💦💦💦💦💦💦💦💦
اجيت بلهفة الوجعان وانه شكيله احوالي
امشيه عليك زينب ها لاتردني انه خالي
انظر لي يبو الكلفات وفرح بيي عيالي
وانه دكيت باب الجود وتوسلت بعتابه
*خادمتكم ام محمد الساري*
💦💦💦💦💦💦💦💦
مريضه وجيت للعباس واشكيله هظم كلبي
اكله بجاه اخوك حسين تهود ونتي ونحبي
ادعي بجاهك العباس جاهك عالي عد ربي
ياباب الحوائج دوم ينطي لليدك بابه
*ام زينب السعداوي*
💦💦💦💦💦💦💦💦
جيت اتوسلك عباس بلي مشت مسبيه
تجبر خاطري اليله تشفي كل مرض بيه
طالت علتي مولاي نضره متك عليه
ماخاب التعنه اليوم وهل دمعه على اعتابه
اسيره الاحزان
💦💦💦💦💦💦💦💦💦
تمت بعون الله
https://telegram.me/Healea
