Ассалому алайкум ва роҳматуллоҳ ва барокатуҳ, қадрли ва азиз дўстларим, азиз қадрдонларим!
Бугунги улуғ айём — муборак Жума куни барчамизга қутлуғ бўлсин! Аллоҳ таоло қилган дуоларингизни ижобат қилиб, хонадонингизга файзу барака, тинчлик ва хотиржамлик ато этсин. Бизларга дунёда ҳам яхшилик, охиратда ҳам яхшилик ато этсин Парвардигори олам. Ўтганларимизга раҳм қилсин ва гуноҳларини мағфират қилсин. Бизларга ҳам Парвардигори олам раҳм айласин ва аввали охири қилган гуноҳларимизни кечирсин. Аллоҳ барчамизга раҳм қилсин дунё ва охиратда.
Шунингдек, қалбларимизни нур ва сурурга тўлдирувчи фазилатли Мавлуд ойи — оламларга раҳмат этиб юборилган севикли Пайғамбаримиз Ҳазрат Муҳаммад Мустафо соллаллоҳу алайҳи васаллам таваллуд топган ой барчамизга муборак бўлсин!
Ушбу улуғ айём ва муборак ойда Пайғамбаримизга кўп-кўп салавотлар айтиб, суннатларига мувофиқ яшашни Аллоҳ таоло барчамизга насиб айласин. Оламларнинг Сарвари шафоатидан бенасиб қилмасин.
Мавлуд ойи ҳурмати баракотидан, Жума кунининг ҳурмати баракотидан, Муҳаммад Мустафо соллаллоҳу алайҳи васаллам пайғамбаримизнинг ҳурмати баракотларидан дуоларимизни Аллоҳ таоло мустажоб айласин, қабул айласин, рад этмасин!
Доимо соғ-саломат бўлинглар, оиланглар бахтига соғ бўлинглар. Жума айёмингиз ва Мавлуд ойи муборак бўлсин, азиз қадрдонларим!
