خلاصة 7 سنين فريلانس علشان تعمل فلوس اكتر في 4 خطوات
1. هتعمل اللي انت عايزه بالطريقة اللي انت عايزها، فمتلاقيش عملاء عايزه تشتغل معاك
2. فتبدا تعمل اللي انت عايزه، بالطريقة اللي العميل عايزها، فتبدا تشتغل مع عدد عملاء قليل بس مبتقدرش تحقق نتايج قوية
3. فتبدا تعمل اللي العميل عايزه، بالطريقة اللي العميل عايزها، ظناً منك انك كنت خلاص عرفت السر اللي هيخليك ترضي كل العملاء وتعمل فلوس اكتر، فتلاقيك مبتحققش نتايج كبيرة ولا بتعمل فلوس كتير
4. فتبدا توصل لاخر حل، تعمل اللي العميل عايزه، بالطريقة اللي انت عايزها، واللي هتميزك في السوق ومن خلالها تكون حققت للعميل اللي هو عايزه، ووفرتله اللي هو محتاجه، فتبدا تحقق نتايج كبيرة وتعمل فلوس اكتر باذن الله
اللي هيمنعك في البداية، هو الغرور بتاع انا اذكى واحد وانا عارف مصلحتك يعميل وسيب نفسك خالص وانا هظبطك، لحد ما تمر بال4 مراحل وتركن غرورك على جمب، وتبدا تقرا السوق صح
#seo_أسهل_مما_تتخيل
