ال Power Nap (قيلولة الطاقة)
دي تصبيرة نوم
بتعمل إيه؟ بتنام من 10 لـ 20 دقيقة بالظبط.
السر فين؟ إنك بتلحق تريح دماغك من غير ما تدخل في "النوم العميق". لو زدت عن 20 دقيقة ودخلت في العميق وصحيت، هتحس إنك عايز تنام تاني (وده اللي بنسميه خمول ما بعد النوم).
النتيجة: بتصحي فايق، مركز، ومودك أحسن في ثواني.
2) الـ Coffee Nap (قيلولة القهوة)
دي بقى "Level Up" وحركة جميله علمية.
بتعمل إيه؟ بتشرب كوباية القهوة بتاعتك "قوام قوام"، وتدخل تنام الـ 20 دقيقة بتوع الـ Power Nap فورا.
السر فين؟ الكافيين بياخد حوالي 20 دقيقة عشان يوصل لمستقبلات الدماغ. في الـ 20 دقيقة دول، النوم بيقوم "بتنضيف" الدماغ من مادة الأدينوسين (اللي بتخليك تحس بالتعب).
و أول ما المنبه يرن بعد 20 دقيقة، بتصحى تلاقي دماغك
"نضيفة" والكافيين لسه واصل حالا، فيقوم يمسك في الدماغ بقوة مضاعفة.
✅️ملحوظة اخيره تختلف سرعة استقلاب الكافيين من شخص لآخر و بلاش كافيين قبل ٦ ساعات من ميعاد نومك عشان لا يؤثر عن جودة نومك مساء
