اللهم صل على محمد وال محمد
قصيده ثكيله للعليله عليها السلام
✶∶∶∶∶✶ـ••○●■●○•ـ•✶∶∶∶∶✶
اليمته أتاني يازماني
وانتظركم وانتظركم
✶∶∶∶∶✶ـ••○●■●○•ـ•✶∶∶∶∶✶
من حمل وشد الضعن ادموعي تنزل من عيني
وبعيوني اديرن بالنظر ردته بس أيحاچيني
وحدي عفتني يالأبو ودمعة عيني اتسليني
ومتعبني بويه المرض ابجسمي المرض ماذيني
تمشي للطف ---دمعي يذرف
وانتظركم وانتظركم
✶∶∶∶∶✶ـ••○●■●○•ـ•✶∶∶∶∶✶
وبعيني شفتك ياالأبو شفت الضعن من حمل
وتوسل صرت بالأهل وساعه بيك آنه اتوسل
وآيست لمن حملت وكتلي الفجر انه ارحل
روحي مثل ورده وغصن بفركتك بويه تذبل
منهو يمي --- يجلي همي
وانتظركم ونتظركم
✶∶∶∶∶✶ـ••○●■●○•ـ•✶∶∶∶∶✶
من ودعتني وسافرت مايبطل بعدك نوحي
وفراكك يابويه صعب وشلون اصبر روحي
ومن حملت كل الاهل زادت عليه اجروحي
ومحد يكلي امن الاهل ويانه يله روحي
شلتو كوه ----ردته تجوه
وانتظركم وانتظركم
✶∶∶∶∶✶ـ••○●■●○•ـ•✶∶∶∶∶✶
مرت أيام ومارجع ماوصلتني منه أخبار
ماأدري عني اشعطله مدري بيهم شنهو الصار
وبمچانه رحت انه اكعدت وبالي اتمر الافكار
ومكضيه ليلي بالبچي مااعرف ليلي امننهار
رته يرجع ---- كونه يسمع
وانتظركم وانتظركم
✶∶∶∶∶✶ـ••○●■●○•ـ•✶∶∶∶∶✶
وكلي عمي ادزه ألچ واخويه علي الاكبر
ومالفاني منهم بعد وشكد اظل اتنطر
وماادري حاطته العده وصاير ابوسط العسكر
ويوم العاشر بي ينذبح وطفاله فرت بالبر
اتمنه يمه ---- ابحضني اضمه
وانتظركم وانتظركم
✶∶∶∶∶✶ـ••○●■●○•ـ•✶∶∶∶∶✶
تمـت بعـون اللــــه تـعـالى (*◇*)
✍بقلـم خادمة أهل البيت ((ع))
الملا والشاعره ام زينب الواسطي
نـسـألكــــم الــدعـــاء ***((🤲))
بتعجيل الفرج لصاحب الزمان (عج)
غير مبـري الـذمـه مـن يحـذف أسم
الشـاعــره ويــنـسب الـكــــلام لـــــه
https://t.me/joinchat/AAAAAFVSvcvJa-4fEoM3kQ
