᷂نـيّـر

/

‏أنا أدري ما على قلبي من صدوف الفراق خِلاف ‏لو إن نوبات حزن الذكريات تضيّق ضلوعي ‏ومثلك ما تردّيه الليالي ومنه ما ينخاف ‏لو إنك كاشف أسراري وعارف وش هي طبوعي ‏لكن ليه الحياة الجَايرة ما تعرف الإنصاف ‏ياكيف أحلى الليالي معك تسقى بمّالح دموعي؟.

@Qik53

لاتنسون تجون هنا

مل قلبٍ يرسم اماله على سيف الرجاوي عل يلقى في قفى الأيام لحظه عاطفيه والله أنه ما بلا قلبي وخلاني شقاوي غير من عقب المفارق والليالي السرمدية لايمي لاشفت عيني ساهره والبال غاوي وش ينسيني جميل الذكريات الأوليه .

اهلاً وسهلا نورتوا❤️

أوعدك كان حظوري مسبب ازعاج بودعك وأغيب وألغي حضوري ماني بفاتح باب قلبي للإحراج وما أحب اكون أنسان ماهو ضروري يوم انت كنت لظلمه أيامي سراج ما خافت الخطوات حزت عبوري .

تحريتك على رجوی وصال ما بعده غياب وتمنيتك وانا حزني عليك اكبر من الجيّه تراودني تعاليل المحبه والشعور اسراب واغض البال لا مني سرحت وقلت منسيّه على هون يدين اللي على جرحي تطق الباب وانا بابي ذرى عابر سبيل وصوت طرقيّه.

ما تركتك في توقَّاد الهوى والشوق واعي ‏كيف عاد أترك دروبك والزِّمان يحدّ سيفه؟ ‏أندفع لك من مغبّات الجوَى وأنت اِندفاعي ‏قلبك إن ما صدِّني بَرده؟ أبى أهلك في مصيفه! ‏أذكِرك وأعرِف تفاصيل آخرك ! وَأسمعك داعي ‏ليش وجهك يوم عاد لـ ديرته ما عاد طيفه؟.

‏والله ان بالي طويل ودايمً صدري شمالي ‏والزمن يبغى يبّيح سدي وبيحت سده ‏ ‏والكلام الليّ ليا من مر قدمي ضاق بالي ‏احذفه فالصدر كني حاذفه في بحر جده ‏ ‏طاح من عيني عتاب وطاح دمع وطاح غالي ‏والعيون ان طاح منها شي ما والله تردّه .

قناتي الثانيه❤️.

تباطيت مرسالك وغاب السلام الحار ‏وخذت رجلك دروب المفارق خطاويها ‏كفاك اول المشوار عن آخر المشوار ‏عزومي على فرقاك تشكر مساعييها ‏خلقنا كبار ، وجات كل الجروح كبااار ‏ولا كبّر جروحي ، سوى قدر رااعييها .

‏العين تحكي وحكي العين من غير صوت ‏تاخذ حكي الانفس المتكتمه و تحكيه ‏علمتك إن المحبه تمرض و ما تموت ‏و إنك الوحيد إللي أفتقده وأحبه وأبيه ‏حكيت و آخر محطات الكلام السكوت ‏إذا ما حسيت بإحساسي من يحس فيه .

طاح من عيني وانا ماتمنّيته يطيح ‏ليتني غمّضت عيني ، ولافتّحتها ‏ اتصدّد عن عيوبه وبالي مستريح ‏كل غلطه تعترض لي منه صلّحتها ‏بس جاب مطمة ٍ ماوراها الا قريح ‏الهقاوي فوقها ، والسموحه تحتْها !.