أغلب الاسئلة إن كله حاسس إن كأنه مش مذاكر ومش فاكر وهيفتكر ده آخر السنة ازاي ؟
هو اعتقد محدش عدى بسنة خامسة ومحسش كدا وهو إحساس حقيقي فعلًا لأن بنيجي في الآخر بتبقى حاسس إنك بتشوف الكلام لأول مرة بس هو الفكرة إن مخك بيكون مخزن معلومات فسهل استعادها أكتر من إن تبقى بتدخل الحاجة لأول مرة (حتى لو هيبان إن بحفظ كأن أول مرة اشوف الحاجة )
أنا كنت بستلم ورقة الإمتحان واكتب الإجابات ولما اوصل للآخر إن اراجع ببقى مستغربة نفسي إن ازاي افتكرت اكتب ده وببقى مش فاكراه اصلًا اللي لسه كاتباه من دقائق واعتقد كان كلنا كدا 😅
فهو بيكون توفيق ربنا وإن من علينا بنعمة العقل والذاكرة قبل أي حاجة وعشان أنت بيكون في بالك المنهج كله فطبيعي تحس إنك مش فاكره لكن الإمتحان كام سؤال فمخك بيعرف يستعيد بإذن الله
فدلوقتي بس نحاول نخلص المنهج سواء باطنة أو جراحة بحيث مفيش حاجة تتساب لوقت المراجعة ( والجراحة اللي خلصها وعنده وقت يفتح باراكلينكال أو اللي لسه هيشوفوها الراوند التاني يمشوا الباراكلينكال بالتوازي مع ال chapters)
المهم دلوقتي أنا قبل الباطنة والجراحة ما تخلص أنا مقفل المنهج مراجع اللي داخل في الإند راوند ومضبط العملي
وكل مرة بذاكر chapter احاول افتكر نقاطه الأساسية ايه العنوانين كدا مثلًا
اللي شايف عنده وقت لأكتر من كدا ؟ ممكن يبقى يراجع كل chapter يذاكره على فترة متباعدة اكيد هيفرق معه أو على الأقل يبقى يراجع اسئلة الفولة
20January 8, 2026 1.5K 3
