✅️ طيب أنا كده كلمتكم عن تفاصيل كل ورقة ومصادر مذاكرتها عشان يبقى عندكم نظرة من فوق كده للي جاي، وتبقوا عارفين ايه اللي هيبقى مطلوب منكم فتخططوا له كويس الفترة دي..
✅️ ناقص بقى أقولكم ازاي نقدر نقسّم الفترة الجاية على المادتين بحيث نطلع منها بأقصى استفادة:
>> بتسيب على جنب في فترة الاجازة دي مثلا أسبوع ل ١٠ أيام ( دول بيكونوا أيام كده تاخد منهم إجازة يوم يومين كل فترة كده أو تاخدهم سفرية قبل ما تبدأ مراجعة زي ما تحب )..
>> بعد كده باقي الأيام بنقسمهم بحيث ناخد حوالي شهرين بنعمل فيهم مراجعة أولى للباطنة والجراحة.. ممكن شهر جراحة وبعد كده شهر باطنة أو تمشي المادتين مع بعض، يعني مثلا ٣ أيام باطنة و ٤ جراحة من كل أسبوع لحد ما الشهرين ما يخلصوا..
>> بعد كده بنبدأ مراجعة تانية باطنة في مثلا 15 يوم، وبعدين مراجعة تالتة للورقة الأولى قبل الامتحان بتاعها علطول..
>> بعد ما بنخلص امتحانات الباطنة، بنراجع ورقة أولى جراحة قبل امتحانها مرتين؛ وقبل الورقة التانية نفس الكلام..
-----------------------------------------------------------
✅ بنمشي في المنهج ازاي في المراجعة الأولى؟
>> كل شابتر بنراجعه في المراجعة الأولى سواء باطنة أو جراحة، هنخلصه بحاجته كلها ( نظري وأسئلة وبارا كلينكال بمساعدة المصادر اللي قولناها فوق )
>> مش عايزين نهتم بس بالرتن، ونهمل باقي الحاجات؛ الحاجات التانية دي درجاتها كتير..
>> بالنسبة للباطنة، كل يوم هنراجع جزء من البرانش اللي علينا في الجدول + ال cases اللي ليها علاقة بالجزء ده. وآخر يوم في مذاكرة البرانش ده هيبقى عبارة عن حل mcq + مراجعة لل cases اللي كانت صعبة في البرانش..
>> بالنسبة للجراحة، نفس الكلام هنذاكر نظري الشابتر كويس الأول وبعد كده وراه ال cases وال mcq بتاعته..
>> البارا كلينكال باطنة وجراحة هتقسمهم على الأيام مع الشباتر برضو..
>> الحاجة الوحيدة اللي ممكن متهتمش بيها دلوقتي لو مش عندك وقت هي العملي لأنه غالبا بنبقى ظبطناه طول السنة كويس، فقبل امتحانه بتراجعه وخلاص..
>> هتلاقي نفسك في حاجات مكنتش سمعتها قبل كده وبتذاكرها لأول مرة، عادي جددا بتمشي في جدولك اللي أنت حاطه وبتذاكرهم مع المراجعة. كل الفكرة أنه وأنت بتحط جدولك، بتبقى عارف ايه الشباتر الصعبة عليك، فتزودلها أيام شوية، وايه اللي سهل، فتحطه في أيام أقل..
-----------------------------------------------------------
✅️ في المراجعة التانية سواء باطنة أو جراحة بتبدأ تهتم بس بالرتن والنظري بال cases أكتر عشان دول اللي امتحانتهم بتكون خلاص قربت...
-----------------------------------------------------------
✅️ دي الطريقة اللي كنت ماشية بها والحمد لله ربنا وفقني، هحط لكم جداول للمراجعة الأولى والتانية باطنة وجراحة كنت عملاها السنة اللي فاتت بس هي جداول استرشادية خدوا منها أفكار لكنها مش إلزامية خالص؛ هي بس بتحسسك أنه وضع جدول لفترة كبيرة زي دي مش حاجة مستحيلة بل بالعكس بترتب دماغك، وممكن تلاقي نفسك بتخلص المنهج في وقت أقل كمان..
Forwarded fromاستعن بالله ولا تعجز ( سنة خامسة )
4August 9, 2026 548 4 8
