10كل واحد فينا جواه أصوات ساكنه بداخله
أصوات غير مرغوب فيها، متطفله، ريحتها وحشه، مؤذيه، بتطّير النوم من عيونا
أصوات منسوجه بخيوط الخوف، الذنب، الغضب،اليأس، الاحباط، المثالية، الخزي، الندم
و اللباس النهائي بيكون من نوعيه ( ماذا لو؟!)
(هو اللي حصل ليه حصل؟!) (كان ممكن اعمل ايه علشان ميحصلش؟!)( انت مقصر)
(انت مش علي المستوي المطلوب)
(يا رب ليه؟) و غيرها الكثير
من الحاجات العجيبة اللي اكتشتها إن التعافي مش معناه إن الأصوات دي تختفي!
بكل أسف و علينا جميعا ان نُقيم حدادا علي ذلك، انه مهما حاولت إقتلاع و اجتزاز هذه الأصوات من جذورها بحيث انها لا تطفو علي السطح مره اخري، فلن تُجدي نفعاً
سيظهر بصورة او بأخري، سيظهر في أوقات قد ظننت انك تخلصت منه....
اومال ايه بقا الجديد
الجلوس علي طاولة المفاوضات، أن تسمح له بالتواجد كساكن اصلي، زيه زي كبدك و كليتك، أن تتركه يجري تحت جلدك، و تراقبه في علو و هبوط صدرك، دون محاربته، فهو يعشق المحاربه و يعشق ان تسأله لماذا مازلت متواجدا ايها الوغد، هو يعشق الجدال و لن تستطيع كسبه، لان طاقته اللي بيرد بيها بيستمدها منك.
أما حينما تنظر اليه من اعلي منزلك و تراه يبصق قذارته في شوارع نفسك و تقرر ألا تعيطه اهتماما ولا تتجادل معه، حينها فقط سيمل و يذهب!
