عن حفلة رامي صبري والاتعاظ بوفاة حسن زميلنا رحمه الله في عز شبابه / السلام عليكم.
بما أننا دفعة واحدة وفي مجتمع واحد وكلنا أخوة وناس كبيرة عندها قابلية تقبل النصحية، وأخوكم أدناكم منزلة والله، ولا هو شيخ ولا خالص من الذنوب، بس أهي دنيا كُتبت علينا وبنحاول نجاهد فيها أد ما نقدر عشان نلقى الله بأقل كمية ذنوب.
المهم قبل ماتفكر تحضر حفلة بكرا عاوزك تسأل نفسك بعض الأسئلة:
- أنا ليه هحضر الحفلة؟
- هل فعلا الشخص إللي جاي دا يستحق إني أحضرله وأكون فرد من ضمن القطيع إللي بيعمل اسم وسعر للناس دي في الحياة؟
- حضوري هيساعد في نشر المعصية ولا هيقلل منها؟
- لمّا أقف بين يدي الله تعالى هقوله أي؟
- طيب افرض مت؟ أقابل ربنا على معصية وأنا رايح أجهر بيها وأساعد على نشرها؟
- هستفاد أي لما أحضر وأي القيمة الحقيقة إللي هتعود عليا مقابل ذنب ووقت رايح على الفاضي؟
بالله اسأل نفسك الأسئلة دي قبل ماتتحرك من مكانك، وبص لمكانتك عند ربنا وأنك مُستخلف في الأرض وربنا أكرم عليك بنعم كتير، وبص لمكانتك كطبيب محترم ازاي يروح يقف تحت رجل فاسق زي دا!
راجع نفسك قبل فوات الأوان يا صديقي، الموت مش هينتظر توبتك أو رجوعك من الحفلة، ممكن عادي خالص وانت رايح وناوي تحضر أو وأنت خارج عربية تخبطك ونترحم عليك هنا في الجروب.
تذكر حسن زميلنا مات يا حبيبي في عز شبابه، لا لحق يتهنى بدنيا ولا طب ولا أهله فرحوا بيه، في لحظة جت ودلوقتي غايب عننا مش معانا، في لحظة بقى ذكرى وبيتحاسب، راح للي كان بيعمله في الدنيا، فأنت ولا أنا ولا أي حد والله أحسن من حسن عند ربنا، بل سيد الخلق وحبيب ربه نبيك ورسولك محمد عليه الصلاة والسلام مات، وكلنا هنموت وهنتحاسب على كل كبيرة وصغيرة، قال رسول الله صلى الله عليه وسلم (( لن تزول قدما عبد يوم القيامة حتى يسأل عن أربع خصال: عن عمره فيما أفناه، وعن شبابه فيما أبلاه، وعن ماله من أين اكتسبه، وفيما أنفقه، وعن علمه ماذا عمل فيه))
الحفلة هتعدي وكلها كام دقيقة، وجودك من عدمه مش هيفرق، محدش هيزعل أنك مروحتش، وجودك هناك ما هو إلا كمالة عدد عشان المطرب إللي جاي، لا أنت فارق معاه ولا فارق مع إللي منظم الحفلة.
بس ذنبك مش هيعدي -إلا برحمة ربنا- ويتنكت في قلبك نكتة سودة بسبب تعرض نفسك للشبهات، وإيمانك هيقل، وتوفيق ربنا عنك وعننا كلنا والله هيقل.
وبالنسبة للناس إللي بتقول نطلع نفرفش يوم وسط الإمتحات = يا أخي بالله استحي، يعني أنت في أيام محتاج توفيق وإعانة من ربنا سبحانه وتعالى، عاوز تعصيه في وقت زنقتك!
ربنا يهدينا جميعا يا شباب، أرجو وأنت رايح الحفلة تفتكر حسن لعل قلبك يحنو عليك وتتعظ بموته وترجع تاني، وأرجو تشوفوا الفيديو إللي تحت الكلام دا.
وياريت تشيروا الكلام دا في كل الجروبات لعل واحد بس يستفيد منه وناخد الأجر سويا إن شاء الله❤
.
Forwarded fromصحبة الدلتا
11August 24, 2026 182 1
