123

شفَت نفسي وأني زغَيرة

جانَت بحديقة بمُنتزه لفتتني بنية من بين كُل الحظور شعرها بني سَرح گاصة گذلة شكلها لطيف ملامحَها بريئة عيونهَا لطيفة بوجها الأبيض نمَش بسيط شعرها مشدود مسوية ظفيرة لابسة فستان أبيض أنتبهتلي من بين كُل الحظور والأبتسامة ما فارگت وجها رحت ألها سألتها وين أهلج؟ گالت تركوني من زَمان گالت وانتِ؟ گلتلها موجودين بَس اعتمدت ع نَفسي تعودت غيابهُم گلت ألها اكو احد يعوف ملاك مثلج؟ گالت ما أدري بَس عافوني گلتلي وانتِ ليش وحدج؟ گلتلها مريت بعلاقات هواي بحياتي أذتني وجرحتني وكسرتني وابتعدت عَن الكُل گالت حققتي حلمج تخرجتي؟ گلتلها أي زين توظفتي أشتغلتي حَصلتي فلوس؟ گلتلها لا بَعد گالت لگيتي صديقة تثقين بيها؟ گتلها اكو ناس بحياتي هواي بَس ما أنطيت الثقَة گالت بعدج تسمعين كلام جارح؟ گلتلها أي ولأسباب غيرة وغيض گالت بعدج تبجين ع كولشي؟ گلتلها اذا الموقف يستاهل فـ أي گالت بعدج انسانة مرحَة وطاقتج حلوة؟ گلتلها أي گالت بعدج تخافين من الظَلمة؟ گلتلها أي گالت بعدج تحبين الحلويات؟ گلتلها اي بَس مگدر أكلهن مثلج ركضت وحضنتني گالت لا تضوجين أني يمج بكُل وقت أحبج بادلتها الحضن بكُل قوة اعتذر منهَا عن كُل الي فات وكُل الأذية الي خليتهَا تتعرض ألها وخَليتها تروح بسلام وأني عيني عَليها.........