لو بتتعامل مع حد توكسيك أو شخص بيحب يجر شكلك ويطلع أسوأ ما فيك …يبقى مفيش أحسن من طريقة الصخرة الرمادية..
الفكرة ببساطة إنك تتحول لصخرة.. لا ليك لون، ولا طعم، ولا ريحة. ( مجازا يعني) مهما حاول الشخص ده يستفزك أو يرمي كلام، خليك بارد وممل جدا ..زي الصخره ..لحد ما يزهق
علشان النوع ده من الناس بيتغذى على ردود الأفعال القوية.. فإنت لما تقطع عنهم التموين ده، هيدوروا على حد تاني يضايقوه ويسيبوك في حالك.
رد على قد السؤال (أيوة، لأ، مش عارف)…ماتدخلش في نقاشات ولا تبرر موقفك….خليك محايد تماما لا تتعصب ولا تضحك.
راحتك النفسية أهم من إنك تكسب أي خناقة معاهم
ودي نصيحه من طبيبك النفسي ..جربوها دلوقتي وادعولي بعدين
دكتوره ماجي الشافعي أخصائي الطب النفسي وعلاج الادمان والعلاج المعرفي السلوكي
8May 8, 2026 493
