العتب مو كره، العتب لأن الدم واحد والمصير واحد. شفتوا وطن بالعالم ينهض وأهله شايلين علم غير علمه؟ شفتوا دولة تتقدم وشبابها يقدسون حدود غير حدودهم؟
يا اخوتي
الوطن مو بس گاع، الوطن كرامة. من ترفع علم غير "الله أكبر" بنص بغداد والبصرة والموصل، أنت جاي تگول للعالم إحنا "تبعه" وما عدنا هوية. المذاهب والديانات هاي علاقتك بربك، بس "العراق" هو خيمتنا اللي تسترنا كلنا.
باوع لواقعنا..
ليش نرضى نعيش "بأدنى مستوى" وإحنا أغنى بلد؟ ليش نرضى نكون ساحة لغيرنا يصفي بيها حساباته، وشبابنا هم اللي يروحون ضحية؟ التطور والرفاهية والحرية ما تجينا بهدايا من بره، هاي حقوق ننتزعها من نتوحد، من نحط "العراق أولاً" خلونا نركز شلون نبني مصنع، شلون نطور جامعة، شلون نعيش برفاهية مثل باقي شعوب العالم كافي تفرقه كافي تبعيه لغير دول امريكا ايران تركيا سوريا الخليج اي دوله محد راح يحسبلك حساب ومحد راح يهتملك وين متروح راح يعاملوك معاملة عبيد ، بس ببلدك راح تعيش بكامل بكرامه ،سواء ان كنت شيعي سني كردي مسيحي كلنا عراقيين وعدونا هوه الفقر والجهل والتبعيه .
