10ስራ ለጠፋባቸው ወንድሞቻችን እንደርስላቸው!
በዚህ ዘመን ብዙ ወንድሞችና እህቶች ትምህርታቸውን ጨርሰው ስራ አጥተው አይዞህ ባይ አጥተው በችግር ውስጥ እየኖሩ ነው።
ግን በእውነቱ ስራ ብቻ ነው የጠፋው? ወይስ ከልባችን አብረን ማደግና አንዱ ለሌላው መደጋገፍ አቁመናል?
ወላሂ፣ በከፍተኛ ድካምና ጭንቀት ውስጥ ያሉ ብዙ ሰዎች አሉ። ትምህርት ተምረዋል፣ የቀን ስራ እየሰሩ የሚተጉ ብዙዎች አሉ። አንዳንዶቹ ግን የተማሩትን ትምህርት የሚመጥን ስራ ማግኘት እንኳን አልቻሉም።
ታዲያ አንድ ወንድም ስራ እንዲያገኝ የምናውቀውን መንገድ ማመላከት ምኑ ይከብዳል?
የስራ ማስታወቂያ ቢያገኝ ለእሱ ማጋራት ምኑ ይከብዳል?
አንድ ሰው ስራ ሲያገኝ እኛ ምንም አንጎዳም፤ እንዲያውም የሚያስደስተን መሆን አለበት። ምክንያቱም የወንድማችን ስኬት የእኛም ስኬት ነው።
በጣም የሚያሳዝነው ግን አንዳንዶች በባዶ መሞጋገስ ላይ ብዙ ጊዜ ያጠፋሉ፤ ነገር ግን በችግር ላይ ያለ ወንድም ሲያገኙ እጃቸውን ለመዘርጋት ይቸገራሉ።
ወላሂ፣ ከዒሻእ ሶላት በኋላ አንድ ወንድም ተነስቶ፦
“ትምህርቴን ጨርሻለሁ፣ ስራ አጣሁ። የጉልበት ስራም እሞክራለሁ፣ ግን አሁን እንኳን አልቻልኩም” ብሎ ሲያለቅስ መስማት ልብን ያደማል።
ስለዚህ ወንድሞቼና እህቶቼ፣ የምናውቀው የስራ እድል ካለ እንካፈል። የምናውቀው ቦታ ካለ እንጠቁም። የምናውቀው ሰው ካለ እናነጋግር። አንድ ሰው ስራ እንዲያገኝ ምክንያት መሆን ትልቅ ክብር ነው።
በአላህ መንገድ የምታውቁ ሁሉ፣ ስራ ለጠፋባቸው ወንድሞቻችን ሰበብ እንሁን። ምናልባት የምታጋሩት አንድ የስራ ማስታወቂያ የአንድን ቤተሰብ ሕይወት ይቀይር ይሆናል።
አላህ ለስራ የሚፈልጉ ሁሉ ሃላል የሆነ ስራና ሰፊ ሪዝቅ ይስጣቸው። አሚን።
ተፃፈ በ አቡ አዩብ ሙሐመድ ሰዒድ ሙሐመድ
https://telegram.me/abutoiba
https://telegram.me/abutoiba
