Andijan Football Association

Seminar davomida murabbiylar futbolning zamonaviy tendensiyalari, mashg‘ulotlarni samarali rejalashtirish, yosh futbolchilar bilan ishlash metodikasi hamda futbolchilarni saralash va rivojlantirish masalalari bo‘yicha bilim va ko‘nikmalarini mustahkamlashdi.

Bunday seminarlar murabbiylarning malakasini oshirish, tajriba almashish hamda viloyatda futbol rivojiga xizmat qiladigan zamonaviy yondashuvlarni amaliyotga tatbiq etishda muhim ahamiyat kasb etadi.

O‘zbekiston Mahallalari uyushmasi Andijon viloyati boshqarmasi, Andijon viloyati Futbol assotsiatsiyasi hamda Andijon viloyati Yoshlar ishlari agentligi o‘rtasida hamkorlik memorandumi imzolandi.

Mazkur memorandum O‘zbekiston Respublikasi Prezidentining 2026-yil 22-may kuni futbol bo‘yicha O‘zbekiston milliy terma jamoasini Jahon chempionatiga kuzatish tadbirida belgilab bergan vazifalar ijrosini ta’minlash maqsadida tuzildi.

Hamkorlik doirasida viloyatda futbolni yanada rivojlantirish va ommalashtirish, futbol madaniyatini yuksaltirish, barcha mahallalarda bolalar, o‘smirlar hamda qizlar jamoalari o‘rtasida “Mahalla ligasi” musobaqalarini tashkil etish rejalashtirilgan. Musobaqalar ko‘cha futbolidan boshlanib, eng iqtidorli yoshlarni aniqlash va qo‘llab-quvvatlashga xizmat qiladi.

Shuningdek, ijtimoiy tarmoqlar va veb-saytlar orqali sog‘lom turmush tarzini targ‘ib qilish, futbolning barcha yo‘nalishlarini keng ommaga yetkazish, bolalar va o‘smirlarning bo‘sh vaqtini mazmunli tashkil etish, sport va futbolga oid mahalliy hamda xalqaro tadbirlar, festivallar va turli loyihalarni amalga oshirish ko‘zda tutilgan.

Memorandumning asosiy maqsadi — har bir mahallaga futbol nafasi kirib borishi, har bir bolaga o‘z mahallasida to‘p tepish, musobaqalarda qatnashish va o‘z iste’dodini namoyon etish imkoniyatini yaratishdan iborat. Bu tashabbuslar “Har bir mahalla — futbol maydoni” dasturi doirasida bosqichma-bosqich amalga oshiriladi.