قصيدة شدة وزن الفائزي لمولانا الامام الحسن العسكري عليه السلام
بهداي شيل العسكري يالمهدي بهداي
مسموم چبده امفطر وما شارب الماي
مسموم چبدة مفطرة هلوو الــــدمعات
اجرك عظيم اعله الابو يالحجة من مات
السامرة تمشي شيعته تسوي التعزيات
يصيح الإمام المنتظر لا ماجرت هاي
يصيح الإمام المنتظر للمات مسموم
هاليوم يوم الفاجعة والنايبة اليوووم
رااعي الديانة امشيعينه وبحر العلووم
مصايب ابو صالح يشيعه صارت اهواي
اليوم ابو صالح ينتحب والگلب مكسور
تتلاطم أملاك السمة عالچبدة مفطور
خلصو اهل بيت النبي بالظلم والجور
وين الذي يجري الدمع يبچي اعله مبچاي
وين الذي يجري الدمع لمصاب الإمام
مسموم ابو المهدي ويون ومورمه الاجدام
هلليلة شيعووة الحسن بالمقبرة اينام
مشبوحة عينه اعله الأهل يابعد عيناي
مشبوحة عينه اعله الأهل يمه ينوحوون
صاحب العصر اعله الأبو معمية العيوون
وين الحضر دگ الصدر وين اليعزوون
بالمجلس اينووح ويصيح اشسوت اعداي
بالمجلس ينووح ويسجل كل الأحباب
شيعة محمد فايزة ايوقعوونه الكتاب
ابيوم اليهيلون الترب يحضر بالحساب
يحضر ابو صالح يشيل اذنوب الاثگال
تمت بقلم خادمة اهل البيت عليهم السلام العلوية ام وليد الموسوي لا أجيز حذف الاسم رحم الله من قراءة سورة الفاتحة إلى روح والدي ووالدتي
https://t.me/Alalwya