انتظار
نیلوم الله گلومی وردی خزان آغلیورام
درد الیندن یتیشوب سینمه جان آغلیورام
انتظارم یولون اوستونده نگاریم گلجک
پوزقون احوالیمه باخ گور نگران آغلیورام
گلمگه قول ویروب عهدینی سندیرمیاجاق
گلسه دلدن گولرم گلمسه قان آغلیورام
هیچ یاراشمور گوزلیم گوزلریمی یولدا قویا
یوخ رقیب طعنه سینه منده توان آغلیورام
باخورام حسرتیلن گوگده قارالمیش بولوطا
دیورم یاغما یاغیش سوز نهان آغلیورام
گوزیاشم دونسه سیله صبرگلی باشدان آشار
گل یوزی یول یول ائدوب اشگ فشان آغلیورام
یاشایش بولگی سنین آیریلیقی دوشدی منه
قلبی شانشان ایلیوب قدی کمان، آغلیورام
بیردونجا گلومین گل یوزینه باخمامیشام
اورگیم داغلدی داغلاردا دومان آغلیورام
دوز یول اوسته اوتوروب اَیرسینه گولمه میشم
حافظم اوز گلومه مثل تکان آغلیورام
گلومون دوشمنین گوزلرینه بیر تیکانام
عدل وداد هامیسی یم شهد دهان آغلیورام
نازمعشوق چکن عاشیقین عشقینده یانام
بوغریب اولکده نیلوم یاری جان آغلیورام
قورخورام پیلک ورام نازیله یاریم سوِشا
گوزآچوق جانیمی آل یوخدی آمان آغلیورام
(واجدم) سون نفسیمده منه بیر ایله نظر
جبری جبران ایلسین چرخ زمان آغلیورام
اثر : حاج علی حسین زاده (واجد)
╔═ ➕ ═════╗
@AkhbareTejaragh
╚════ 🍃💕═╝
August 27, 2026 346 1
