20لو لسه محتار تبدأ مذاكرة الـ IFRS إزاي…
البوست ده ليك
أولًا: ترتيب مذاكرة المعايير
إحنا مش هنذاكر بترتيب الكتاب لكن هنمشي بترتيب كل مجموعة معايير مرتبطة ببعضها زي الـ Group of Assets مع بعض و IFRS 15 لوحده وهكذا
الطريقة دي بتسهل علينا جدًا إننا نربط المعايير ببعض لأن في الامتحان ممكن تلاقي سؤال جامع بين معيارين أو تلاتة مع بعض.
والجدول ده موضح الترتيب اللي هنمشي عليه في المذكرة من وجهة نظري.
أول مجموعة باللون الأزرق معايير في الجدول مرتبطة ببعض بشكل كبير وممكن تلاقي سؤال فيه أكتر من معيار مع بعض فهنذاكرهم ونحل عليهم مع بعض ومع الوقت هتلاقي إن الموضوع كله بدأ يترابط.
ثانيًا: هنعتمد على مصادر إيه؟
1️⃣ شرح دكتور عبدالله عبدالنعيم
هنسمع فيديوهات دكتور عبدالله عبدالنعيم لكن خد بالك من نقطة مهمة:
دكتور عبدالله بيشرح تفاصيل كتير جدًا بهدف الفهم مش مطلوب كله دا في الامتحان.
متمسكش ورقة وقلم وتكتب كل كلمة بيقولها عشان هياخد منك وقت كتير.
البلاي ليست دي مترتبة بشكل يساعدنا أكتر وهنمشي فيها حسب ترتيب المعايير الموجود في الجدول:
https://lnkd.in/ej-gyq9A
هنبدأ بأول معيار نسمعه كويس وبعدها نبص على الورق اللي الدكتور بيشرح منه.
بعد ما تسمع المعيار هتبص على الورق اللي الدكتور بيشرح منه.
كل الورق هنا :
https://lnkd.in/eAPks5XM
لو لقيت نفسك فاهم كل حاجة ممتاز.
ولو في حاجة وقعت منك، اسمعه تاني على سرعة 1.5x أو 2x واكتب بإيدك الحاجات اللي مش فاهمها
2️⃣ الكتاب أو الـ Briefs
في ناس بتحب تقرأ من الكتاب بعد ما تفهم الشرح وده كويس جدًا.
ولو عايز تفاصيل المعيار بشكل كويس من غير ما تتوه في تفاصيل الكتاب فالـ Briefs دي هتفيدك جدًا.
وهو من إعداد صديقي محمد الديب وفيها شرح المعيار بشكل مبسط:
https://lnkd.in/eDxNctqb
3️⃣ التلخيص
ودا اهم حاجه تركز عليها و هتبسط عليك الدنيا
بعد ما تفهم المعيار هتبص على تلخيص المعيار عشان تعرف أهم النقاط وطريقة الحل ودا الي انت محتاجه في الامتحان.
الملخص حاليًا لأول 12 معيار فقط ولسه هكمل باقي المعايير.
https://lnkd.in/eNMBStPN
طيب نمشي على المعيار إزاي؟
ببساطة:
1. نمشي حسب ترتيب الجدول.
2. نسمع المعيار من دكتور عبدالله عبدالنعيم ونفهمه كويس.
3. نقرأ الـ Briefs أو الكتاب عشان نكون مررنا على كل المعلومات المهمة في المعيار.
4. نقرأ الملخص عشان نعرف طريقة الحل وإزاي نستخدم المعلومات في الاجابه.
5. بعد كده تلخص المعيار بطريقتك أنت.
ودي خطوة مهمة جدًا لأن لما تيجي تراجع بعد فترة بدل ما ترجع لكل المصادر ترجع للحاجات اللي أنت كتبتها بإيدك.
4️⃣ وآخر وأهم خطوة: الحل
الفهم لوحده مش كفاية.
لازم بعد كل معيار تحل عليه عدد كويس من الأسئلة وتتعلم إزاي تعبر وتكتب الإجابة بطريقة تاخد عليها درجات.
مصادر الحل:
1. أسئلة نهاية كل معيار في الملخص
هتلاقي أسئلة مع نهاية كل معيار ومعاها طريقة الإجابة اللي تقدر تمشي على نفس أسلوبها:
https://lnkd.in/eNMBStPN
2. فيديوهات صديقي محمد الديب
فيديوهات تساعدك في فهم طريقة الحل والتطبيق:
https://lnkd.in/eZYFQi4V
3. الأستاذ أحمد الفار
شارح وحالل على أغلب أجزاء الدبلومة:
https://lnkd.in/eFfUxv5z
لو استفدت من البوست ده شاركه مع غيرك عشان يستفيد وتنول الأجر والثواب ❤️✨
