130 million so‘mgacha foizsiz qarz: “Ko‘mak” loyihasiga ariza topshirish yo‘riqnomasi
Chekka hududlarda o‘quv markazi ochish yoki kengaytirish uchun “Ko‘mak” loyihasi doirasida 130 million so‘mgacha foizsiz ssuda ajratiladi. Bugungacha 400 dan ortiq o‘quv markazlari moliyalashtirildi va raqamlar kundan-kunda o’sib bormoqda.
Ssuda olish uchun ariza topshirish — 3 ta oddiy qadam
1️⃣ Kerakli hujjatlarni tayyorlang
Ariza topshirishdan oldin quyidagi hujjatlarni tayyorlab qo‘ying:
• Jamg‘arma rahbari nomiga ariza;
• Yuridik shaxs guvohnomasi;
• Biznes-reja;
• Garov hujjatlari;
• Dastlabki monitoring xulosasi.
💡 Muhim: Biznes-reja juda murakkab bo‘lishi shart emas. Loyihangizni sodda va tushunarli qilib, real raqamlar asosida yozing.
2️⃣ Arizani yuboring
Hujjatlar tayyor bo‘lgach, quyidagi havola orqali platformaga kirib, ro‘yxatdan o‘ting va kerakli ma’lumotlarni kiriting:
Ma’lumotlarni to‘liq va xatosiz kiritsangiz, arizangizni ko‘rib chiqish jarayoni tezroq kechadi.
3️⃣ Ariza ko‘rib chiqiladi
Topshirgan arizangiz Maxsus kengash tomonidan ko‘rib chiqiladi. Tasdiqlangan loyihalar 3 ish kuni ichida moliyalashtiriladi.
O‘z hududingizda ta’lim imkoniyatlarini kengaytirish va yoshlarga yangi imkoniyatlar yaratish uchun bu imkoniyatdan foydalaning.
Ssuda olish uchun ariza qoldirish
Qo’shimcha ma’lumot uchun: +998 90 672 99 66; @Alixanova_Malika
