هيفضل كل واحد عايش محنته لوحده ، هيفضل عايشها بكل تفاصيلها وهتفضل فى خبايا محدش يعلمها إلا الله هيقابله بيها صابر محتسب مخبيها عن الناس مستور بستر الله وتحت رحمة الله .
ربنا بس إللي بيستر على عباده وبيلطف بيهم وبيرحمهم وبيعلم مدى الألم إللي بيمروا بيه بكل تفاصيله إللي بيجهلها أقرب وأحب الناس ..
ربنا بس الرحيم بينا ، العالم بسرائرنا وأركانا الحزينة ، النور إللي انطفى وبرضو مشينا وكملنا ، الأمل إللي بندور عليه فى كل خطوة ، الطريق إللي بنتحسس فيه رضاه رغم كم الصعوبات إللي بنشوفها والتحديات الرهيبة إللي بنواجهها ..
ربنا يكتب لكل واحد بيمر بتعب أو حزن أو ابتلاء أجر عظيم
ربنا يكتبه من الراضيين الصابرين ، ربنا يرزقه قربه وأنسه ولا يكله لنفسه أبدا ..
