የአዲስ አበባ ሀገረ ስብከት የሰንበት ት/ቤቶች አንድነት ብጹአን አባቶች በተገኙበት የተቋማዊ አደረጃጀት ትግበራ ማጠናቀቂያ መርሐ ግብር ለማድረግ ዝግጅቱን አጠናቀቀ።
እንደሚታወቀው የአዲስ አበባ ሀገረ ስብከት ሰንበት ትቤቶች አንድነት ከግንቦት 1/2018ዓ.ም አስከ ሰኔ 30/2018ዓ.ም ሲያካሂድ የነበረውን የሰንበት ት/ቤቶች ሥራ አመራር ምርጫ በ 99 ፐርሰንት አፈጻጸም ማከናወኑ እና ለተመረጡ አዲስ አመራሮች በአስራ አምስት የስልጠና ማዕከላት ከ16 ሰዓት በላይ ስልጠና የተሰጠ መሆኑ ይታወቃል ።
የመዋቅራዊ አደረጃጀቱ ማጠቃለያ መርሐ ግብሩ ብጹአን አባቶች በተገኙበት ከ230 በላይ በአዲስ አበባ ሀገረ ስብከት የሚገኙ አዲስ የተመረጡ የሰንበት ት/ቤት አመራሮች እና የቀድሞ አመራሮች በተገኙበት ለቀድሞዎቹ አመራሮች ምስጋና ለአዲሶቹ በብጹአን አባቶች ጸሎት እና ቡራኬ እንደሚሰጥ ይጠበቃል።
ሰንበት ት/ቤቶች ካላቸው አቅም እና ከሚጠበቅባቸው የቤተክርስትያን አደራ እና ኃላፊነት አንጻር ይህ ሂደት በከፍተኛ ደረጃ የተናበበ እና በጋራ በእቅድ የሚመራ ተቋም ለማድረግ የሰንበት ት/ቤቶችን የአገልግሎት ከፍ ወዳለ ደረጃ ለማምጣት እድል ይፈጥራል ተብሎ ይጠበቃል።
በእለቱ ሁሉም የተመረጡ አዲስ አመራሮች እና የቀድሞ አመራሮች በሰዓት በመገኘት መርሐግብሩን እንዲካፈሉ ጥሪ ተላልፏል።
መርሐ ግብሩ በቦሌ ደብረ ሳሌም መድኃኔ ዓለም አዳራሽ ካላንደር በሚዘጋው ቀን ማለትም በቀን 19 ወይም በቀን 20/ 2018ዓ.ም ከቀኑ 8:00 የሚደረግ ሲሆን በዚሁ አጋጣሚ የቀን እና ሰዓት ልዩነት ያላቸው ማስታወቂያዎች ካለንደር ዝግ የሚያደርገው ቀን በእርግጥ አለመታወቁ እና ቀኑ ማክሰኞ ወይም እሮብ የሚውል በመሆኑ የተፈጠረ የመረጃ ክፍተት መሆኑን እየገለጽን ለተፈጠረው ክፍተት ይቅርታ እንጠይቃለን ሲል የአዲስ አበባ ሀገረ ስብከት ሰንበት ት/ቤቶች አንድነት ጽ/ቤት ገልጿል።
የአዲስ አበባ ሀገረ ስብከት የሰንበት ት/ቤቶች አንድነት።
