ለተስፋ ብርሀን የምገባ ማዕከላት ተጠቃሚ የማህበረሰብ ክፍሎች እየተካሄደ ያለው ነጻ ህክምና በጉለሌ ቅርንጫፍ ምግብና መድኃኒት ጽ/ቤት ተጠናክሮ ቀጥላል።
--------------------------
ነሐሴ 18 2018 ዓ.ም
የአዲስ አበባ ምግብና መድኃኒት ባለስልጣን የጉለላ ቅርንጫፍ ጽሕፈት ቤት የግል ጤና ተቋማትን በማስተባበር በክፍለ ከተማው ወረዳ 4 ለሚገኙ የተስፋ ብርሃን የምገባ ማዕከል(20ኛው) ተጠቃሚዎች ነፃ የህክምና ድጋፍ አድርጓል።
የጉለሌ ምግብ መድሃኒት ቅርንጫፍ ፅ/ቤት ስራ አስኪያጅ ወ/ሮ መቅደስ ካሳ በዚህ ነፃ ህክምና የተሳተፈው ቼሻየር ፋውንዴሽንን በማስተባበር 500 ለሚሆኑ ለምገባ ማዕከሉ ተጠቃሚ የህብረተሰብ ክፍሎች የአይን፣ የስኳር፣ እንዲሁም አጠቃላይ የውስጥ ደዌ ነፃ የጤና ምርመራና የህክምና አገልግሎት እየተሰጠ መሆኑን ገልፀዋል፡፡
