Մարդիկ արագ են հարմարվում լավին և դադարում են այն ընկալել որպես արժեք կամ բարի կամք։ Երբ դու միշտ ներում ես, օգնում ու ժպտում, շրջապատդ կարծում է, թե դա ինքնըստինքյան այդպես էլ պետք է լիներ: Քո բարությունը վերածվում է սովորական պարտավորության, որն այլևս ոչ ոք չի գնահատում։
Չափազանց բարի մարդիկ հաճախ չեն կարողանում ասել «Ո՛չ»՝ վախենալով նեղացնել դիմացինին։ Շատերի մոտ (գիտակցաբար կամ ենթագիտակցորեն) տպավորություն է ստեղծվում, որ այդ մարդը չունի սեփական շահեր, սկզբունքներ կամ պահանջներ, ինչը նվազեցնում է հարգանքը նրա հանդեպ։
Հոգեբանության մեջ այն, ինչ անսահմանափակ է և հեշտությամբ հասանելի, ավելի քիչ է գնահատվում (ինչպես, օրինակ, օդը կամ ջուրը)։ Երբ քո բարությունն ու ուշադրությունը տրվում են առանց չափի, դրանց գինն ընկնում է։
Երբ դու ուրիշների կարիքները միշտ դասում ես քո կարիքներից վեր, դու աշխարհին ցույց ես տալիս, որ քո անձը երկրորդական է։ Մարդիկ պարզապես սկսում են քեզ վերաբերվել այնպես, ինչպես դու ես քեզ վերաբերվում...
22
7
5
4August 23, 2026 3.7K 14
