قبل ما تبذل مجهود حقيقي علشان توصل لـ شيء مُعين، اسأل نفسك الأول « هو أنت عاوز الشيء دا فعلاً .. ولا بس عاوز الناس يشوفوه معاك »
فـ مع تقدم الإنسان في العمر هيكتشف إنه مكنش محتاج يضيّع عمره علشان يبهر حد ،، مكنش محتاج يمتلك شيء معين لمجرد الناس تشوفه وهو بيمتلكه.
ولذلك من أعظم الأساليب اللي ممكن يستخدمها الإنسان لـ كسر رغبته في التباهي هو أسلوب « تجديد النية »
وهنا تجديد النية مش مجرد حروف بتنطقها أو بتصيغها في شكل دعاء .. لكن عبارة عن جلسة مراجعة ونظام ذكي بيفكّرك بـ إعادة صياغة تفكيرك وهيكلة نواياك
فـ الإنسان محتاج يفلتر حقيقته.. محتاج يهتم بـ نظرته لنفسه أكتر من إهتمامه بـ نظرة الغرباء ، محتاج ينطلق من منظور « هو عاوز ايه، مش عاوز يتشاف إزاي »
#مذكر
January 17, 2025 195
